કમોસમી વરસાદ / અમદાવાદ શહેરમાં ગાજવીજ સાથે ધોધમાર વરસાદ

અમદાવાદ શહેરમાં અચાનક વાતાવરણમાં ફેરફાર સાથે ગાજવીજ અને પવન સાથે વરસાદી માહોલ જામ્યો હતો. શહેરના વિવિધ વિસ્તારોમાં ધોધમારથી લઈને છૂટાછવાયા વરસાદે લોકોને ગરમીમાંથી રાહત આપી હતી.

નહેરુનગર, શિવરંજની અને વસ્ત્રાપુર વિસ્તારમાં ભારે પવન સાથે સારો વરસાદ નોંધાયો હતો. આ વિસ્તારોમાં ગાજવીજના કડાકા સાથે વરસેલા વરસાદે માર્ગો પર પાણી ભરાયા અને ટ્રાફિકની ગતિ ધીમી પડી હતી.

બોડકદેવ અને એસજી હાઈવે પર પણ વરસાદી ઝાપટાં પડતાં વાહનચાલકોને સાવચેતી રાખવી પડી હતી. કેટલીક જગ્યાએ પવનના કારણે ઝાડની ડાળીઓ તૂટી પડવાની ઘટનાઓ પણ સામે આવી હતી.

પ્રહલાદનગર અને આનંદનગર વિસ્તારમાં વીજળીના કડાકા સાથે વરસાદ વરસ્યો હતો, જેના કારણે સ્થાનિકોમાં ભયનો માહોલ સર્જાયો હતો. સાથે સાથે વીજ પુરવઠામાં થોડો વિક્ષેપ પણ નોંધાયો હતો.

આ પણ વાંચોઃ રાજુલામાં પ્રેમિકાના પરિજનોએ પ્રેમીનું અપહરણ કરી માતા પર કાર ફેરવી, હત્યાની ઘટના સીસીટીવીમાં ઝડપાઈ

આમ, અમદાવાદ શહેરમાં આજે પવન સાથે છૂટાછવાયા વરસાદે વાતાવરણ ઠંડું બનાવ્યું હતું અને ઉકળાટમાંથી લોકોને થોડી રાહત મળી હતી. હવામાન વિભાગે આગામી દિવસોમાં પણ આવું જ અનિશ્ચિત વાતાવરણ રહેવાની શક્યતા વ્યક્ત કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ