શોકિંગ / અરેરાટીભરની ઘટના, ઘરમાં ઘુસી જતા ગાયના મોંઢામાં મૂક્યો વિસ્ફોટક, ફાટતા જુઓ શું થયું

• રાજસ્થાનના હનુમાનગઢની ચોંકાવનારી ઘટના
• ખેતરમાં ગાય ઘુસી જતા શખ્સે વિફર્યો
• ગાયના મોંઢામાં ઠૂંસી દીધો વિસ્ફોટક પદાર્થ
• ફાટતા ગાયના જડબા ફાટી ગયા

શું તમને કેરળની એ ઘટના યાદ છે ને કે જ્યારે એક ગર્ભવતી હાથીને વિસ્ફોટક ખવડાવીને દર્દનાક મોત આપવામાં આવ્યું હતું. હવે આવો જ એક કિસ્સો રાજસ્થાનના હનુમાનગઢમાં સામે આવ્યો છે, જ્યાં એક વ્યક્તિએ ગાયના મોઢામાં વિસ્ફોટક પોટાશ નાખ્યો હતો. હનુમાનગઢના સુખા સિંહે પોતાના પાડોશી સદ્દામની ગાયના મોંઢામાં વિસ્ફોટક પોટાશ નાખ્યો, જેના કારણે ગાયનું નીચલું જડબું ફાટી ગયું.

ઘરમાં ઘુસીને ગાય શાકભાજી ખાઈ જતા શખ્સ વિફર્યો 

પોલીસના જણાવ્યા અનુસાર ગોપાલક સદ્દામની ગાય ખુલ્લામાં આંટાફેરા કરતી વખતે સુખાસિંહના ઘરે ગઈ હતી. ત્યાં ગાયે ઘરમાં શાકભાજી ખાવાનું શરૂ કરી દીધું, ત્યારબાદ સુખા સિંહે ગાયના મોઢામાં વિસ્ફોટક પોટાશ નાખી દીધો. જેના કારણે ગાયનું મોં ફાટી ગયું હતું. ગાયને સારવાર માટે વેટરનરી હોસ્પિટલ લઇ જવામાં આવી હતી, જ્યાં ડોક્ટરો તેની સારવાર કરી રહ્યા છે. 

આરોપીની થઈ ધરપકડ 
પોલીસે તાત્કાલિક કાર્યવાહી કરીને આરોપી સુખાસિંહની ધરપકડ કરી હતી. જ્યારે આ ઘટનાની જાણ બજરંગ દળ અને અન્ય હિન્દુ સંગઠનોને કરવામાં આવી તો તેમણે પોલીસ સ્ટેશન જઈને તેનો સખત વિરોધ કર્યો. જ્યારે પોલીસે તેમને કહ્યું કે આરોપીની ધરપકડ કરવામાં આવી છે, ત્યારે તેઓએ એસએચઓનો આભાર માન્યો.