#METOO / શરમજનક: યુવતી કાકલૂદી કરતી રહી અને ગુજરાતી ફિલ્મ પ્રોડ્યુસરે લૂંટી લીધી લાજ, જાણો શું છે સમગ્ર મામલો

• ગુજરાતી ફિલ્મ ઇન્ડસ્ટ્રીમાં મીટુ
• પ્રોડ્યુસરે યુવતીની લૂંટી લીધી લાજ 
• સમગ્ર ઘટના બાદ પોલીસે કરી ધરપકડ 

સુશાંત સિંહ રાજપૂત કેસ બાદ બોલિવૂડમાં ઘણા મામલા સામે આવ્યા છે. જે બાદ મીટુના પણ કેટલાક મામલા સામે આવ્યા હતા. પાયલ ઘોષ નામની અભિનેત્રીએ અનુરાગ પર યૌન શોષણનો આરોપ લગાવ્યો હતો, હવે આ પ્રકારની ઘટના ઢોલિવૂડથી પણ દૂર નથી રહી. વડોદરામાં એક પ્રોડ્યુસરે પ્રોડક્શન હાઉસમાં કામ કરતી યુવતીને પગાર આપવાના બહાને હોટલમાં બોલાવી અને તેના પર દુષ્કર્મ આચર્યુ હતું. 

પગારની લાલચ આપી દુષ્કર્મ આચર્યુ

વડોદરામાં ડ્રામા પ્રોડક્શન હાઉસમાં નોકરી કરતી યુવતીને હોટલમાં પગારની લાલચ આપી બોલાવી હતી, બાદમાં દીપ પટેલે યુવતીને તેના હવસનો શિકાર બનાવી હતી અને બે વાર દુષ્કર્મ ગુજાર્યુ હતું. જે બાદ યુવતીએ ફરિયાદ નોંધાવી હતી અને દીપની પોલિસે ધરપકડ કરી છે. 

શું છે સમગ્ર ઘટના 
માંજલાપુર વિસ્તારમાં રહેતી યુવતી રાજમહેલ રોડ પર આવેલા એક ડ્રામા પ્રોડક્શન હાઉસમાં ઇન્ટરવ્યુ આપવા ગઇ હતી. જેમાં તે પસંદગી પામતા તેને નોકરી પર રાખવામાં આવી હતી. તેણે 4 ઓગસ્ટથી નોકરીની શરૂઆત કરી હતી. બાદમાં 28 ઓગસ્ટે કોઇ કારણોસર તેણે નોકરી છોડી દીધી હતી. 

કેટલા દિવસનો બાકી હતો પગાર?

આ યુવતીએ 24 દિવસના પગારની વાત તેના બોસને કરી હતી. બાદમાં પ્રોડક્શન હાઉસના માલિક દીપને વાત કરવામાં આવી હતી, જેથી દીપ પટેલે યુવતીને 2 સપ્ટેમ્બરના રોજ રાત્રે 10 વાગે પગાર લેવા માટે બોલાવી હતી. 

શું કર્યુ પ્રોડ્યુસરે ?

જ્યારે યુવતી હોટલના રૂમમાં પહોંચી ત્યારે દીપે બારણુ બંધ કરી દીધુ હતુ અને બળજબરી તેના પર દુષ્કર્મ ગુજાર્યુ હતુ. આ બાદ જે વ્યક્તિએ યુવતીને નોકરીએ રખાવી હતી તેને આ બાબતની જાણ કરી હતી. ત્યારે તે વ્યક્તિએ કહ્યું કે પોલિસમાં ફરિયાદ કર. જેથી યુવતીએ ફરિયાદ નોંધાવી હતી અને પોલિસે દીપ પટેલની ધરપકડ કરી હતી.