સાચવજો / દરિયો ઘરમાં ઘૂસી જશે! હવામાન ખાતાની જબરજસ્ત આગાહી, 5 દિવસ રહેશે 'કરંટ'

Weather Rain Forecast : ગુજરાતમાં હાલ અત્ર-તત્ર-સર્વત્ર ચોમાસાનો માહોલ યથાવત છે. આ દરમિયાન હવે આગામી 5 દિવસ સુધી વરસાદી માહોલ યથાવત રહેવાની આગાહી હવામાન વિભાગે કરી છે. વાસ્તવમાં હવામાન નિષ્ણાંત અંબાલાલ પટેલે પણ ગુજરાતભરમાં વરસાદની આગાહી કરી છે. આ સાથે 9-10 જૂલાઈમાં નવી સિસ્ટમ આવશે અને વરસાદનું પ્રમાણ વધઘટ થવાની પણ આગાહી કરી છે. આ બધાની વચ્ચે હવે હવામાન વિભાગની આગાહી પણ સામે આવી છે.

હવામાન વિભાગની આગાહી

હવામાન વિભાગના ડાયરેક્ટર ડૉ. એ. કે. દાસે આગામી 5 દિવસ રાજ્યમાં ગાજવીજ સાથે વરસાદની આગાહી કરી છે. હવામાન વિભાગની આગાહી પ્રમાણે ઉત્તર, મધ્ય અને દક્ષિણ ગુજરાતમાં હળવાથી મધ્યમ વરસાદ ડી શકે છે. આ સાથે સૌરાષ્ટ્ર-કચ્છમાં આગામી 2 દિવસ હળવાથી મધ્યમ વરસાદની શકયતા છે. આ સાથે રાજ્યમાં 30 થી 40 કિ.મી પ્રતિ કલાકની ઝડપે પવન ફૂંકાશે. આ સાથે આગામી 24 કલાક અમદાવાદમાં હળવાથી મધ્યમ વરસાદની આગાહી હવામાન વિભાગ દ્વારા કરાઇ છે.

માછીમારોને 5 દિવસ દરિયો ન ખેડવાની સૂચના

હવામાન વિભાગની આગાહી પ્રમાણે રાજ્યમાં 30 થી 40 કિ.મી પ્રતિ કલાકની ઝડપે પવન ફૂંકાઈ શકે છે. આ સાથે દરિયાકાંઠે ઊંચા મોજા ઉછળવાની સંભાવના છે અને દરિયામાં આગામી 5 દિવસ કરંટ રહેશે તેવી આગાહી પણ કરાઇ છે. આ તરફ હવે સાવચેતીના ભાગરૂપે માછીમારોને 5 દિવસ દરિયો ન ખેડવાની સૂચના અપાઈ છે.

સામાન્ય કરતાં 112% વધુ વરસાદ

ગુજરાતમાં હાલ ચોમાસું જામ્યું છે ત્યારે રાજ્યભરના લગભગ મોટાભાગના વિસ્તારોમાં મેઘમહેર જોવા મળી રહી છે. આ તરફ હવામાનની આગાહી સામે આવી છે કે, હાલમાં 3 સિસ્ટમ સક્રિય થતા રાજ્યમાં ચોમાસાનો માહોલ રહેશે. વિગતો મુજબ અત્યાર સુધીમાં રાજ્યમાં સામાન્ય કરતાં 112% વધુ વરસાદ નોંધાયો છે.

અંબાલાલ પટેલે પણ કરી છે આગાહી

અંબાલાલ પટેલે રાજ્યમાં કેટલાક વિસ્તારમાં ગાજવીજ સાથે પવન સાથે વરસાદની આગાહી કરી છે. આગાહી પ્રમાણે અમદાવાદ-ગાંધીનગરમાં ગાજવીજ સાથે વરસાદ થઈ શકે છે. આ સાથે 9-10 જૂલાઈમાં નવી સિસ્ટમ આવશે અને વરસાદનું પ્રમાણ વધઘટ થશે તેવી આગાહી અંબાલાલ પટેલે કરી છે. અંબાલાલ પટેલે આગાહી કરી છે કે, 9 થી 12 જૂલાઈ ગુજરાતમાં વરસાદ લાવશે. આ સાથે પૂર્વ ગુજરાતના પંચમહાલ, દક્ષિણ ગુજરાતના ભાગોમાં વરસાદ આવશે. સૌરાષ્ટ્રમાં જૂનાગઢ, ભાવનગર, અમરેલી, બોટાદ, જામનગર તથા કચ્છના ભાગોમાં વરસાદ આવી શકે છે. આ સાથે પાટણ, બનાસકાંઠા જિલ્લાના કેટલાક ભાગોમાં ભારે વરસાદ થઈ શકે છે. જેમાં આગાહી પ્રમાણે 2 થી 10 ઈંચ સુધી વરસાદ આવી શકે છે.

આ પણ વાંચો : જુલાઈ-ઓગસ્ટની આ તારીખોએ સુરતીઓ માથે જોખમ, અંબાલાલે કરી આગાહી

હવામાન નિષ્ણાંત અંબાલાલ પટેલે ખાસ કરીને સુરતમાં ભારે વરસાદની આગાહી કરી છે. આગાહી પ્રમાણે સુરત-નવસારીમાં ભારે વરસાદ આવી શકે છે. આ સાથે મહારાષ્ટ્ર સંલગ્ન ભાગોમાં ભારે વરસાદ થઈ શકે છે. જેમાં ખાસ કરી 22 થી 30 જૂલાઈ સિસ્ટમ આવશે જે ઉત્તર ભાગમાં વરસાદ લાવશે. આ સાથે આ સિસ્ટમ ગુજરાતમાં કેટલાક ભાગોમાં ભારે વરસાદ લાવી શકે છે. આ તરફ 2 થી 8 ઓગસ્ટ ભારે વરસાદ આવી શકે છે. આ તરફ તાપી નદીના જળસ્તરમાં પણ વધારો થઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ