અંબાલાલની આગાહી / રાજ્યના ખેડૂતો માટે માઠા સમાચાર, અંબાલાલ પટેલે કરી હવામાન પલટાની આગાહી

Ambalal Patel Forecast : રાજ્યના ખેડૂતો માટે એક ચિંતાજનક સમાચાર સામે આવ્યા છે. જાણીતા હવામાન નિષ્ણાંત અંબાલાલ પટેલ દ્વારા રાજ્યના હવામાન અંગે નવી આગાહી જાહેર કરવામાં આવી છે. તેમના અનુમાન મુજબ આગામી 48 કલાક દરમિયાન ગુજરાતના હવામાનમાં નોંધપાત્ર ફેરફાર જોવા મળી શકે છે. ખાસ કરીને ખેડૂતો માટે આ સમય સાવચેતી રાખવાનો છે.

અંબાલાલની આગાહી પ્રમાણે આગામી દિવસોમાં કેવું રહેશે હવામાન?

રાજ્યમાં થોડા દિવસો સુધી વાદળછાયું વાતાવરણ રહેવાની શક્યતા છે. સાથે સાથે પવનની ગતિમાં વધારો થશે. 22 ફેબ્રુઆરી આસપાસ હળવો પશ્ચિમી વિક્ષેપ સક્રિય થવાની શક્યતા દર્શાવવામાં આવી છે, જેના કારણે ઉત્તર ગુજરાતના કેટલાક વિસ્તારોમાં હવામાન પલટાઈ શકે છે. સાબરકાંઠા, અરવલ્લી અને પંચમહાલ જેવા વિસ્તારોમાં વાદળછાયું વાતાવરણ છવાઈ શકે છે. કચ્છ વિસ્તારમાં પણ આ બદલાવની અસર જોવા મળી શકે છે. પવનનું જોર બે દિવસ સુધી યથાવત રહેવાની શક્યતા છે.

તો શું તાપમાનમાં આવશે ફેરફાર ?

હવામાન બદલાતા લઘુત્તમ તાપમાનમાં થોડો ઘટાડો નોંધાઈ શકે છે. જોકે,ફેબ્રુઆરીના અંત ભાગથી ફરી ગરમીમાં વધારો થવાની શક્યતા છે. મધ્ય ગુજરાતમાં તાપમાન આશરે 38 ડિગ્રી સુધી પહોંચી શકે છે. ઉત્તર ગુજરાત અને સૌરાષ્ટ્ર વિસ્તારમાં પણ ગરમીનું પ્રમાણ વધશે, જ્યારે દક્ષિણ ગુજરાતમાં મહત્તમ તાપમાન 30 ડિગ્રી આસપાસ રહી શકે છે.

આ પણ વાંચો : 'ભવનાથમાં પોલિટિક્સ' કીર્તિ પટેલે બીજો વીડિયો વાયરલ કરી ઈન્દ્રભારતી બાપુ પર લગાવ્યા આરોપ

માર્ચ મહિનામાં કેવું રહેશે વાતાવરણ ?

27 ફેબ્રુઆરીથી 3 માર્ચ દરમિયાન વધુ એક પશ્ચિમી વિક્ષેપ સક્રિય થવાની શક્યતા વ્યક્ત કરવામાં આવી છે. તેની અસર રાજ્યના વિવિધ વિસ્તારોમાં અનુભવાઈ શકે છે. 15 માર્ચ બાદ પણ હવામાનમાં ફરી એકવાર બદલાવ જોવા મળી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ