અદ્ભુત / VIDEO: માઉન્ટ આબુમાં બચ્ચાંઓ સાથે રીંછ રસ્તા પર આવી ચડ્યું, વીડિયો વાયરલ

માઉન્ટ આબુમાં વરસાદી માહોલ વચ્ચે કુદરતના અદભુત દ્રશ્યોનો લ્હાવો લેવા માટે મોટી સંખ્યામાં પ્રવાસીઓ ઉમટી પડ્યા છે. તળાવમાં બોટિંગનો આનંદ, પર્વતોમાંથી વહેતા ઝરણાંમાં સ્નાન અને વાદળોથી ઘેરાયેલું ઠંડુગર વાતાવરણ—આ તમામ મૌસમને યાદગાર બનાવી રહ્યા છે.

આ દરમ્યાન એક અદ્ભુત દ્રશ્ય સર્જાયું, જે પ્રવાસીઓ માટે નવાઇનું કારણ બન્યું. માઉન્ટ આબુના જંગલ વિસ્તારમાંથી એક રીંછ રસ્તા ઉપર આવી ગયું હતું. રસપ્રદ વાત એ હતી કે આ રીંછ એક માતા હતી અને તે તેના બે નાના બચ્ચાઓ સાથે હતી. જ્યારે આ રીંછ માર્ગ પર આગળ વધી રહી હતી, ત્યારે ત્યાંથી કેટલીક કારો પસાર થઈ રહી હતી. પ્રવાસીઓ માટે આ દ્રશ્ય આશ્ચર્યજનક તો હતું જ, સાથે જ થોડીક ભયાનક પણ લાગણી હતી.

રીંછ તેના બચ્ચાઓ સાથે ધીરે ધીરે રસ્તો પાર કરી રહી હતી અને કોઈને નુકસાન પહોંચાડ્યા વગર જંગલ તરફ આગળ વધી ગઈ. તેણે સંપૂર્ણ શાંતિથી રસ્તો પાર કર્યો અને તે દ્રશ્યને જોતાં ત્યાં ઉભેલા પ્રવાસીઓના થોડી વાર માટે એક મૌન છવાઈ ગયું. અનેક પ્રવાસીઓએ આ અદભુત નજારો પોતાના મોબાઇલમાં કેદ પણ કરી રહ્યા હતા.

આ પણ વાંચો : Video: રસ્તાઓ નદી બન્યા, તો કોઇક તણાતું દેખાયું, જુઓ અજમેર જળબંબાકારના આકાશી દ્રશ્યો

જાણકારોના મતે, વરસાદી ઋતુ દરમિયાન જંગલમાં ખોરાકની ખેંચ અને ઠંડકને કારણે અનેક વન્ય જીવો રસ્તા કે માનવ વસાહતો તરફ આવી જતા હોય છે. પરંતુ એ પણ મહત્વપૂર્ણ છે કે પ્રવાસીઓએ આવા સમયે સાવચેત રહેવું જોઈએ અને જંગલી જાનવરો સાથે અંતર જાળવી રાખવું જોઈએ. એક તરફ વરસાદી ધૂમ્મસ, વાદળો ધરતી પર ઉતર્યાં હોય એવા દ્રશ્યો, અને બીજી તરફ રીંછ માતા સાથેના આ કુદરતી ક્ષણ આ બધું મળીને માઉન્ટ આબુની યાત્રાને યાદગાર બનાવી જાય છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ