વિવાદ / વડોદરાની MS યુનિવર્સિટીમાં ABVP કાર્યક્રમમાં છોકરીએ કર્યો અશ્લીલ ડાન્સ, જુઓ વીડિયો

Vadodara Girl Dance Video : વડોદરા કે જેને “સંસ્કારી નગરી” તરીકે ઓળખવામાં આવે છે, ત્યાં આવેલી M S યુનિવર્સિટી બરોડામાં તાજેતરમાં થયેલી એક ઘટના ચર્ચાનો વિષય બની છે. “સંસ્કાર સંગમ” નામથી આયોજિત સાંસ્કૃતિક કાર્યક્રમ, જેનું આયોજન અખિલ ભારતીય વિદ્યાર્થી પરિષદ (ABVP) દ્વારા કરવામાં આવ્યું હતું, તે સંસ્કાર અને શિસ્તના મૂલ્યોને ઉજાગર કરવા માટે હતું. પરંતુ કાર્યક્રમ દરમિયાન બનેલી કેટલીક ઘટનાઓએ વિપરીત સંદેશો આપ્યા હોવાના આક્ષેપો ઉઠ્યા છે.

શું છે સમગ્ર મામલો ?

આર્ટ્સ ફેકલ્ટીમાં યોજાયેલા આ કાર્યક્રમમાં એક વિદ્યાર્થિનીનો ડાન્સ સોશિયલ મીડિયા પર ઝડપથી વાયરલ થયો. ઘણા લોકોના મતે આ પ્રસ્તુતિ યુનિવર્સિટી અને કાર્યક્રમના નામ સાથે સુસંગત નહોતી. “સંસ્કાર સંગમ” જેવો શીર્ષક હોય ત્યારે સમાજ એક નિશ્ચિત સ્તરની શિસ્ત અને મર્યાદાની અપેક્ષા રાખે છે, પરંતુ અહીં કેટલીક ક્ષણોએ તે મર્યાદાઓ તૂટતી જણાઈ.

આ ઘટના પછી, પ્રશ્નો ઊભા થયા છે કે શું કાર્યક્રમના આયોજનમાં યોગ્ય માર્ગદર્શન અને દેખરેખનો અભાવ રહ્યો હતો? વિદ્યાર્થીઓ માટે સાંસ્કૃતિક કાર્યક્રમો પોતાની પ્રતિભા દર્શાવવાનો એક ઉત્તમ માધ્યમ છે, પરંતુ તે સાથે જવાબદારી પણ જોડાયેલી છે. ખાસ કરીને જ્યારે કાર્યક્રમનું નામ અને ઉદ્દેશ “સંસ્કાર” પર આધારિત હોય, ત્યારે દરેક પ્રસ્તુતિમાં તે મૂલ્યો પ્રતિબિંબિત થવા જોઈએ.

આ પણ વાંચો : ડાંગની સુબીર જિલ્લા પંચાયત બેઠકમાં સાસુ અને વહુ વચ્ચે ટક્કર, ભાજપે વહુને કોંગ્રેસે સાસુને ટક્કર આપી

આ વિવાદ માત્ર એક કાર્યક્રમ સુધી મર્યાદિત નથી પરંતુ તે આપણા શિક્ષણ સંસ્થાઓમાં સંસ્કૃતિ અને મર્યાદા વિશે ચાલી રહેલી ચર્ચાનો ભાગ બની ગયો છે. યુનિવર્સિટીઓએ વિદ્યાર્થીઓને માત્ર શૈક્ષણિક જ નહીં, પરંતુ સામાજિક અને નૈતિક મૂલ્યોમાં પણ માર્ગદર્શન આપવું જરૂરી છે.

સળગતા સવાલ

• બીજાના કાર્યક્રમમાં વિરોધ કરનારી ABVP પોતાના જ કાર્યક્રમમાં મર્યાદા કેમ ભૂલી?
• વાયરલ વીડિયોમાં દેખાતા દ્રશ્યો કઈ ભારતીય સંસ્કૃતિનું પ્રતીક છે?
• શું વિદ્યાધામને ડાન્સ ફ્લોર બનાવવું એ જ ABVPનો અસલી ચહેરો છે?
• બીજાને ઉપદેશ આપતી ABVP પોતાની જ ફેકલ્ટીમાં સંયમ કેમ ન જાળવી શકી?
• સંસ્કાર સંગમના નામે અશ્લીલતાનું પ્રદર્શન કેમ?

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ