કાયદો ક્યાં / VIDEO : ચાલુ કારે ફટાકડા ફોડીને જાહેર રસ્તા પર ફેંક્યા, નબીરાએ રીલ પણ બનાવી

Rajkot News: દિવાળીનો તહેવાર આનંદ અને ઉલ્લાસનો તહેવાર હોય છે, જોકે કેટલાક લોકો ખાસ કરીને યુવાનોને કારણે તહેવારની મજા સજામાં ફેરવાય જાય છે.

યુવકે ચાલુ કારમાં ફટાકડા ફોડ્યા

યુવાનો બેદરકારીપૂર્વક ફટાકડા ફોડતા હોય છે, ત્યારે રાજકોટમાં એક વીડિયો સામે આવી રહ્યો છે, જેમાં નબીરાઓએ ચાલુકારમાં ફટાકડા ફોડી લોકોના જીવ જોખમમાં મૂક્યા હતા. લક્ષ્મીનગર અંડરબ્રિજ પાસે કારમાં ફટકાડા ફોડ્યા ફોડવાનો વીડિયો વાયરલ થયો છે.

નબીરાઓને બેફામ બન્યા

નબીરાઓને જાણે કાયદાનો ડર ન હોય તેમ બેફામ બની ગયા છે, જેમાં પૈસાદાર લોકોના નબિરાઓએ તો માજા મુકી છે. રાજકોટ પોલીસને જાણે પડકાર ફેંક્યો હોય તેમ યુવકે ચાલુકારમાં ફટાકડા ફોડીને રીલ પણ બનાવી હતી. પોલીસનો કોઈ ડર જ રહ્યો નથી.

વધુ વાંચો : VIDEO : યુવકોએ પાઇપમાં ફટાકડો ફોડ્યોને કિશોરીએ ગુમાવ્યો જીવ, જુઓ ભયાનક CCTV

પોલીસ સામે ઉભા થયા સવાલ

યુવકો કાયદો ખિસ્સામાં લઈને ફરતા હોય તેવી સ્થિતિ સર્જાઈ છે અને તંત્ર અને પોલીસ સામે પણ સવાલ ઉઠી રહ્યા છે. એક તરફ રાજ્યના ડેપ્યુટી સીએમ કાયદામાં રહેશો તો ફાયદામાં રહેશો તેવી વાતો કરી રહ્યા છે ને બીજી તરફ આવા યુવકોને કારણે અન્ય લોકોના જીવ જોખમમાં મુકાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ