અમદાવાદ / VIDEO : યુવકોએ પાઇપમાં ફટાકડો ફોડ્યોને કિશોરીએ ગુમાવ્યો જીવ, જુઓ ભયાનક CCTV

Ahmedabad News : દિવાળીના તહેવારની લોકો ફટાકડા ફોડીને ઉજવણી કરતા હોય છે, જો કે આજકાલના યુવકો બેદરકારીપૂર્વક ફટાકડા ફોડતા હોય છે, જેને કારણે અનેક વખત દુર્ઘટના ઘટતી હોય છે. આવી જ એક હચમચાવતી ઘટના અમદાવાદમાં બની છે.

દિવાળીનો તહેવારની ઉજવણી છેલ્લી બની ગઈ

અમદાવાદના સાબરમતીમાં 16 વર્ષીય સગીર માટે દિવાળીનો તહેવારની ઉજવણી છેલ્લી ઉજવણી બની હતી. મેઘા આર્કેડના ગેટ પાસે ઘટના બની હતી. યુવકે લોખંડના પાઈપમાં ફટાકડા નાખીને ફોડ્યો હતો, આ પાઈપનો કટકો સીધો જ પાસે ઉભેલી કિશોરીના માથામાં વાગી જતા ગંભીર રીતે ઈજાગ્રસ્ત થઈ હતી.

સારવાર થાય તે પહેલા જ યુવતીએ ગુમાવ્યો જીવ

સગીર યુવતીને તાત્કાલિક નજીકની હોસ્પિટલમાં ખસેડવામાં આવી હતી, જો કે, તેની સારવાર થાય તે પહેલા જ જીવ ગુમાવી દીધો હતો. સોસાયટીના તોફાની યુવકો ફટાકડામાં અલગ પ્રકારનો અવાજ આવે માટે લોખંડ પાઈપ વસાવ્યો હતો. દિવાળી સમયે લોખંડ પાઈપમાં ફટાકડા ફોડતા હતા.

વધુ વાંચો : VIDEO : રોજગાર મેળામાં નેતાઓએ એવો શું કાંડ કરી નાખ્યો, કે ભડકી ઉઠ્યાં કેન્દ્રીય મંત્રી

ભયાનક ઘટના સીસીટીવીમાં કેદ

આ ઘટનાના સીસીટીવી પણ સામે આવ્યા છે, જેમાં જોઈ શકાય છે કે, લોખંડનો પાઈપ ભયાનક રીતે ઉછળીને સગીરાના માથા પર વાગે છે અને માથા પરથી લોહી વહી જાય છે. આ મામલે સાબરમતી પોલીસે ફટાકડા ફોડનાર શિવાંગ ગોર સહિત બે સગીરની અટકાયત કરી છે. આરોપી શિવાંગ ગોર સંસ્કૃત વિદ્યાલયના પ્રથમ વર્ષમાં અભ્યાસ કરે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ