આગાહી / એક સાથે ત્રણ સિસ્ટમ ગજવશે આકાશ, આ જિલ્લાઓમાં ભારે વરસાદની આગાહી

ગુજરાતમાં હવામાન વિભાગ દ્વારા પાંચ દિવસ ગાજવીજ સાથે વરસાદની આગાહી કરવામાં આવી છે. હવામાન વિભાગે રાજ્યના મોટાભાગના વિસ્તારોમાં હળવી મેઘ ગર્જના સાથે હળવાથી ભારે વરસાદની આગાહી કરી છે.

શું છે હવામાન વિભાગની આગાહી

હવામાન વિભાગની આગાહી અનુસાર, હાલ એક સાથે 3 વરસાદી સિસ્ટમ સક્રિય હોવાથી ગુજરાતમાં વરસાદી માહોલ રહેશે. અમદાવાદમાં સામાન્યથી મધ્યમ વરસાદની આગાહી કરવામાં આવી છે. હવામાન વિભાગના મતે, ગુજરાતમાં અત્યાર સુધીમાં સામાન્ય કરતાં 112 ટકા વધુ વરસાદ વરસ્યો છે. દરિયામાં ઊંચા મોજા ઉછળવાની સંભાવના હોવાથી માછીમારોને આગામી 5 દિવસ દરિયો ન ખેડવાની સૂચના આપવામાં આવી છે. 

આ તરફ હવામાન નિષ્ણાંત અંબાલાલ પટેલે પણ વરસાદની આગાહી કરી છે. આગામી 9 અને 10 જુલાઈએ નવી સિસ્ટમ સક્રિય થશે. જેથી 9થી 12 જુલાઈ સુધી રાજ્યમાં ભારે વરસાદની આગાહી કરવામાં આવી છે.

હવામાન નિષ્ણાંત અંબાલાલ પટેલે આગામી 9થી 12 જુલાઈ સુધી ભારે વરસાદની આગાહી કરી છે. અમદાવાદ, ગાંધીનગર, પંચમહાલ, દક્ષિણ ગુજરાત, જૂનાગઢ, ભાવનગર, અમરેલી, બોટાદ, જામનગર, કચ્છ, પાટણ, બનાસકાંઠા, સુરત અને નવસારીમાં ભારે વરસાદની આગાહી કરવામાં આવી છે.

આ પણ વાંચોઃ ATSનો ડ્રાઇવર દારૂની હેરફેર માટે બન્યો નકલી PSI, ખાખી વર્દીમાં નકલી આઇકાર્ડ સાથે ઝડપી લેવાયો

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ