અપડેટ / છોટાઉદેપુરમાં વરસાદે છોતરાં કાઢ્યા,સંખેડામાં બે કલાકમાં 5 ઈંચ વરસ્યો, પાણીદાર માહોલ

ગુજરાતમાં સમયસર ચોમાસાની શરૂઆત થઈ ગઈ છે. પહેલા વરસાદથી વાતાવરણમાં ઠંડક પ્રસારાઈ ગઈ છે સાથે જ ખેડૂતો આનંદમાં છે. જો કે વરસાદને પગલે ઠેર-ઠેર પાણી ભરાવાની સમસ્યા પણ થઇ છે. જનજીવન ખોરવાયું છે.

ગુજરાતના છોટાઉદેપુરના સંખેડામાં બે કલાકમાં 5 ઈંચ વરસાદ ખાબક્યો છે. ધોધમાર વરસાદથી નેશનલ હાઈવે-56 પર અને ભારે વરસાદથી નીચાણવાળા વિસ્તારોમાં પાણી ભરાઈ ગયું છે. ત્યારે બપોર બાદ વાતાવરણમાં પલટો આવતા વરસાદ વરસ્યો છે જેથી ખેડૂતોએ કપાસનું વાવેતર શરૂ દીધું છે.

નવસારી જિલ્લામાં સવારથી વાદળછાયું વાતાવરણ

નવસારીમાં વાદળછાયા વાતાવરણ વચ્ચે જિલ્લાના ગણદેવી, બીલીમોરા, ચીખલી પંથકમાં વરસાદ ખાબક્યો છે. વરસાદી માહોલને કારણે ઉકળાટ વચ્ચે ઠંડક પ્રસરતાની સાથે જન જીવન થયુ પ્રભાવિત થયું છે.

વડોદરામાં વરસાદ

વડોદરા શહેરમાં ફરી શરૂ થયો વરસાદ જેમાં સાવલી ,ડભોઇ, વાઘોડિયા તાલુકામાં પણ વરસાદ આવ્યો છે. ચોમાસુ સમયસર શરૂ થતા ધરતીપુત્રો ખુશખુશાલ થઈ ગયા છે. જેમાં સયાજીગંજ, રાવપુરા, ફતેહગંજ, ગોત્રી, ચાર દરવાજા, નિઝામપુરા, ખંડેરાવ માર્કેટ, જેલ રોડ વિસ્તારમાં વરસાદ ખાબક્યો.

સાવરકુંડલા પંથકમાં અનરાધાર વરસાદ વરસ્યો

અમરેલીના સાવરકુંડલા પંથકમાં અનરાધાર વરસાદ વરસ્યો છે. મેરીયાણા, ગોરડકા, ખડસલી, વીજપડી, લુવારા, ગાધકડા, લીખાળા, ભમ્મર સહિત ગ્રામ્ય વિસ્તારોમાં વરસાદ ખાબક્યો છે. મેરીયાણાની ફુલઝર નદીમાં ઘોડાપૂર આવ્યું છે. સાવરકુંડલામાં 5 ઇંચથી વધુ વરસાદ ખાબક્યો છે. રાજુલામા 4 ઇંચ કરતા વધુ વરસાદ નોંધાયો છે.

વધુ વાંચો:VIDEO: ભાવનગરના જેસરમાં આભ ફાટ્યું, સવા 9 ઇંચ વરસાદ ખાબક્યો, 40 બાળકો કોઝ-વેમાં ફસાયા

રાજ્યના 124 તાલુકામાં વરસાદ

આજે સવારે 6 થી 4 વાગ્યા સુધીમાં રાજ્યના 124 તાલુકામાં વરસાદ ખાબક્યો છે. જેમાં જેસરમાં 9.5 ઈંચ, પાલિતાણામાં સવા 8 ઈંચ, મહુવામાં 7.5 ઈંચ, સાવરકુંડલામાં 5.5 ઈંચમ, રાજુલામાં 4.5 ઈંચ, ગારીયાધારમાં સવા 4 ઈંચ, લિલિયામાં પોણા 4 ઈંચ, સિહોર અને તળાજામાં 4 ઈંચ, ખાંભામાં પોણા 3 ઈંચ, જૂનાગઢ અને અમરેલીમાં 3 ઈંચ, જેતપુરમાં સવા 2 ઈંચ, ઉના, ઘોઘા, ઉમરગામ, ભાવનગર, વંથલી, સુત્રાપાડા અને ભાણવડમાં 2 ઈંચ, જાફરાબાદ, મેદરડા, કલ્યાણપુર, તલાલા, ડોલવણ અને ભેસાણમાં 1.5 ઈંચ, અંકલેશ્વર અને તલોદમાં સવા ઈંચ વરસાદ ખાબક્યો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ