મુશળધાર / VIDEO: બારડોલીમાં જળબંબાકાર, અનેક ગામો બોટમાં ફેરવાયા, લોકો ઘર છોડવા મજબૂર

ગુજરાતમાં ચોમાસાની એન્ટ્રીની સાથે જ રાજ્યમાં સારો વરસાદ નોંધાઇ રહ્યો છે. સૌરાષ્ટ્ર બાદ હવ મેઘરાજા દક્ષિણ ગુજરાતને ઘમરોળી રહ્યાં છે. રાજ્યના મોટાભાગના જિલ્લાઓમાં વરસાદી માહોલ જોવા મળી રહ્યો છે, ખાસ કરીને દક્ષિણ ગુજરાતમાં મેઘરાજા અવિરત કૃપા વરસાવી રહ્યા છે. દક્ષિણ ગુજરાતના અનેક વિસ્તારો ભારે વરસાદને કારણે પાણી-પાણી થઇ ગયા છે. જ્યાં નજર કરો ત્યાં પાણી સિવાય કંઇજ નજરે પડતું ન હતું

સુરતના બારડોલી તાલુકામાં જળબંબાકારીની સ્થિતિ સર્જાઇ છે. અહીં વઢવાણીયાથી બાલદા જવાનો માર્ગ પાણીમાં ગરકાવ થઈ ગયો રસ્તા પર પાણી ફરી વળતા વાહનવ્યવહાર ઠપ કરવામાં આવ્યો છે.

સુરતમાં ધોધમાર વરસાદના કારણે રસ્તાઓમાં પાણીમાં ગરકાવ થઇ ચુક્યાં છે. લોકોની હાલત ખુબ જ દયનીય અને કફોડી થઇ છે. ધોધમાર વરસાદના કારણે વઢવાણીયા ગામમાં પણ અનેક વિસ્તાર જળમગ્ન થયા છે. વરસાદી પાણી ઘરમાં ઘૂસી જતાં લોકોમાં ભારે રોષ ઉપરાંત લાખો રૂપિયાની નુકસાનીનો સામનો કરવાનો વારો આવ્યો છે. પાણી ભરાતા વઢવાણીયા ગામનું ચૌધરી ફળિયું સંપર્ક વિહોણું બન્યું છે. ભારે વરસાદને લીધે પરિવારો સ્થળાંતર કરવા મજબૂર થયા છે.

વધુ વાંચો: અમદાવાદથી ઉપડતી અનેક ટ્રેનના ટાઈમ અને સ્ટેશનોમાં ફેરફાર, જુઓ લિસ્ટ

મુશળધાર વરસાદને કારણે સુરતાના રાયમ ગામે હાઇવે પર વરસાદી પાણીનો ભરાવો સાથે જ બારડોલી-કડોદ સ્ટેટ હાઇવે પર પણ પાણીનો ભરાવો થતાં તંત્રએ સાવચેતીના ભાગરૂપે રસ્તો બંધ કર્યો છે. રસ્તો બંધ થતા વાહન ચાલકોને ભારે મુશ્કેલીનો સામનો કરવો પડી રહ્યો છે,.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ