વરસાદની આગાહી / પાટણથી પોરબંદર અને બનાસકાંઠાથી બોટાદ સુધી થશે મેઘમહેર, આજે અહીં પડશે વરસાદ

Gujarat Rain Forecast : ગુજરાતમાં આજે ફરી એકવાર વરસાદી માહોલ જામશે. વાસ્તવમાં આજે ખાસ કરીને ઉત્તર ગુજરાતના જિલ્લાઓમાં વરસાદની આગાહી કરવામાં આવી છે. આ સાથે મધ્ય-દક્ષિણ ગુજરાતમાં પણ વરસાદની શક્યતા છે. આ તરફ સૌરાષ્ટ્ર પંથકમાં હળવા વરસાદનું અનુમાન છે. આ સાથે કચ્છમાં પણ હળવા વરસાદનું અનુમાન છે.

આજે રાજ્યમાં છવાશે વરસાદી માહોલ

ઉત્તર ગુજરાતના જિલ્લાઓમાં વરસાદની આગાહી કરવામાં આવી છે. આજે બનાસકાંઠા, પાટણ, મહેસાણા, સાબરકાંઠામાં વરસાદની આગાહી કરાઈ છે. આ સાથે મધ્ય ગુજરાતના જિલ્લાઓમાં હળવાથી મધ્યમ વરસાદની આગાહી કરાઈ છે. જેમાં ખાસ કરીને વડોદરા, છોટા ઉદેપુર, નર્મદામાં વરસાદ પડી શકે છે.

આ સાથે દક્ષિણ ગુજરાત-સૌરાષ્ટ્રમાં હળવા વરસાદનું અનુમાન છે. આ સાથે ભરૂચ, સુરત, ડાંગ, તાપીમાં વરસાદની આગાહી કરાઈ છે. આજે સુરેન્દ્રનગર, રાજકોટ, જામનગર, મોરબીમાં વરસાદની શક્યતા છે તો ભાવનગર, દ્વારકા, અમરેલી, ગીર સોમનાથમાં વરસાદની આગાહી કરવામાં આવી છે. આ તરફ કચ્છમાં હળવા વરસાદનું અનુમાન છે.

આ પણ વાંચો : ગુજરાતને ફરી ધમરોળશે મેઘરાજા, વરસાદના બીજા રાઉન્ડ પર પરેશ ગોસ્વામીની આગાહી

આ તરફ પરેશ ગોસ્વામીએ પણ 19, 20 અને 21 જુલાઈએ રાજ્યમાં વરસાદ વરસવાની સંભાવના વ્યક્ત કરી છે. કચ્છના રાપર તાલુકામાં અને ઉતર ગુજરાતમાં મધ્યમથી ભારે વરસાદની શક્યતા તેમણે દર્શાવી છે. આ સાથે તારીખ 19, 20 અને 21 જુલાઈના રોજ સૌરાષ્ટ્રના તમામ વિસ્તારમાં છુટોછવાયો વરસાદ વરસવાની શક્યતા છે. મધ્ય ગુજરાતમાં પણ પરેશ ગોસ્વામીએ 19, 20 અને 21 જૂલાઇના રોજ છુટા-છવાયા વરસાદની આગાહી કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ