હાલાકી / VIDEO: મોડાસામાં મેઘો મૂશળધાર, સરડોઈમાં રસ્તાઓ પર પાણીની નદી વહી, જુઓ વીડિયો

ગુજરાતમાં ચોમાસાની એન્ટ્રીની સાથે જ રાજ્યમાં સારો વરસાદ નોંધાઇ રહ્યો છે. સૌરાષ્ટ્ર બાદ હવ મેઘરાજા ઉત્તર ગુજરાતને ઘમરોળી રહ્યાં છે. રાજ્યના મોટાભાગના જિલ્લાઓમાં વરસાદી માહોલ જોવા મળી રહ્યો છે, ખાસ કરીને ઉત્તર ગુજરાતમાં મેઘરાજા અવિરત કૃપા વરસાવી રહ્યા છે. ઉત્તર ગુજરાતના અનેક વિસ્તારો ભારે વરસાદને કારણે પાણી-પાણી થઇ ગયા છે. જ્યાં નજર કરો ત્યાં પાણી સિવાય કંઇજ નજરે પડતું ન હતું

ગુજરાતના અરવલ્લી જિલ્લામાં ધોધમાર વરસાદ જોવા મળ્યો છે. અરવલ્લીના મોડાસાના સરડોઈમાં મેઘો મૂશળધાર બન્યો છે, જેથી ઘણા વિસ્તારોમાં પાણી ભરાયા છે. ત્યારે ડુંગર પરથી પાણી આવતા માર્ગો પાણી-પાણી થાય છે. એટલું જ ગામના માર્ગો પર પણ બોટ લઈને ફરવાનો વારો આવે તેવા પાણી ભરાયા છે. ગામના રસ્તા પર પાણી ભરતા વાહનચાલકોને ખૂબ પરેશાનીનો સામનો કરવો પડી રહ્યો છે.

વધુ વાંચો: અમદાવાદથી ઉપડતી અનેક ટ્રેનના ટાઈમ અને સ્ટેશનોમાં ફેરફાર, જુઓ લિસ્ટ

દક્ષિણ ગુજરાતમાં તોફાની બેટિંગ

રાજ્યમાં મેઘરાજા મહેર વરસાવી રહ્યા છે ખાસ કરીને દ.ગુજરામાં મેઘરાજા તોફાની બેટિંગ કરી રહ્યા છે. સુરતમાં સતત બીજે દિવસે ધોધમાર વરસાદ યથાવત રહ્યો હતો. રાજ્યમાં છેલ્લા 24 કલાકમાં 31 જિલ્લાના 170 તાલુકામાં વરસાદ નોંધાયો. સુરતમાં સૌથી વધુ 13.5 ઈંચ ખાબક્યો હતો. સતત વરસાદને પગલે ચારે તરફ પાણી-પાણીના દ્રશ્યો જોવા મળ્યા હતા.. ક્યાંક ઘુંટણ સમાણાં તો ક્યાંક કેડ સમાણા પાણી ભરાયા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ