સહાનુભૂતિ / VIDEO : વડાપ્રધાન મોદી ઈજાગ્રસ્તોને મળ્યા, ઘટનાસ્થળની પણ કરી મુલાકાત

અમદાવાદ પ્લેન ક્રેશની દુર્ઘટનામાં પ્લેનમાં સવાર તમામ લોકોના મોત થયા છે, જો કે ચમત્કાર થતાં એક વ્યક્તિ બચી ગયો હતો. વડાપ્રધાન મોદીએ આ બચી ગયેલા વ્યક્તિ સાથે મુલાકાત કરીને તેના ખબરઅંતર પૂછ્યાં હતા.

અમદાવાદમાં જ્યાં પ્લેન ક્રેશની ઘટના બની ત્યાં વડાપ્રધાન મોદીએ ઘટનાસ્થળની મુલાકાત કરીને DGP સાથે સમગ્ર ઘટનાનો તાગ મેળવતા નજરે પડ્યાં છે. ઉલ્લેખનીય છે કે, અમદાવાદ શહેરના મેઘાણીનગર IGP કમ્પાઉન્ડમાં 171-એર ઇન્ડિયા બોઇંગ પ્લેન ક્રેશ થયું હતું.

વડાપ્રધાન મોદીએ ઘટનાસ્થળ પર પહોંચીને મુખ્યમંત્રી ભૂપેન્દ્ર પટેલ અને ગૃહ રાજ્યમંત્રી સાથે ઘટના અંગેની માહિતી મેળવી હતી. અમદાવાદમાં ગઈકાલે બપોરે લગભગ 1.40 વાગ્યે પ્લેન ક્રેશની ઘટના બની હતી.

PM મોદીએ ઘટનાસ્થળની મુલાકાત લેતા પહેલા સિવિલ હોસ્પિટલની મુલાકાત લીધી હતી, જ્યાં ઈજાગ્રસ્તોને મળ્યા હતા. આ દરમિયાન PM મોદીના ચહેરા પર ઉદાસીનતા દેખાઈ હતી. વડાપ્રધાન મોદીએ ઈજાગ્રસ્તોને સાંત્વના આપી હતી.

વધુ વાંચો : શહેરનું એક માર્કેટ પ્લેન્સ માટે બની રહ્યું છે જોખમી, બની રહી છે બર્ડ હિટની ઘટનાઓ

અમદાવાદમાં ગરુવારે પ્લેન ક્રેશની ઘટના બની કે તરત જ PM મોદી એક્ટિવ મોડમાં આવી ગયા હતા. ત્યારે આજે તાબતોડ પોતાના અન્ય કામ છોડીને અમદાવામાં આવી પહોંચ્યા હતા. આજે સવારે 8 વાગ્યાની આસપાસ PM મોદી અમદાવાદમાં પહોંચ્યા હતા. જ્યાંથી તેઓ સિવિલ હોસ્પિટલની મુલાકાત કરી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ