ગુજરાત સ્થાપના દિવસ / સુરતમાં ગુજરાત સ્થાપના દિવસની ભવ્ય ઉજવણી: ડુમસ સી ફેસ પર ઉત્સાહ, વિદેશી મહેમાનો પણ થયા મંત્રમુગ્ધ

Surat Gujarat Foundation Day: સુરત શહેરમાં ગુજરાત સ્થાપના દિવસની ઉત્સાહભેર ઉજવણી કરવામાં આવી હતી. ડુમસ સી ફેસ પર યોજાયેલા આ કાર્યક્રમમાં ભવ્ય માહોલ સર્જાયો હતો. જ્યાં મોટી સંખ્યામાં લોકો જોડાયા હતા. મુખ્યમંત્રી ભૂપેન્દ્ર પટેલની અધ્યક્ષતામાં આ ઉજવણી યોજાઈ હતી. જેમાં રાજ્યપાલ આચાર્ય દેવવ્રત, ઉપમુખમંત્રી હર્ષ સંઘવી અને નાણામંત્રી કનુ દેસાઈ સહિતના અગ્રણીઓ હાજર રહ્યા હતા. આ પ્રસંગે ગુજરાતના ગૌરવવંત ઈતિહાસથી લઈને આધુનિક વિકાસ સુધીની સફરની ઝાંખી રજૂ કરવામાં આવી હતી.

કલા-સંસ્કૃતિ અને પ્રતિભાનો સન્માન

કાર્યક્રમ દરમિયાન ગુજરાતની સમૃદ્ધ કલા અને સંસ્કૃતિનું સુંદર પ્રદર્શન કરવામાં આવ્યું હતું. લોકનૃત્ય, સંગીત અને પરંપરાગત કાર્યક્રમો દ્વારા ગુજરાતની ઓળખને જીવંત બનાવવામાં આવી હતી. આ સાથે જ રાજ્ય સરકાર દ્વારા વિવિધ ક્ષેત્રોમાં વિશિષ્ટ સિદ્ધિ હાંસલ કરનાર પ્રતિભાશાળી વ્યક્તિઓને ‘ગુજરાત ગૌરવ પુરસ્કાર’ આપી સન્માનિત કરવામાં આવ્યા હતા. આ સન્માન દ્વારા રાજ્યના વિકાસમાં યોગદાન આપનારાઓને પ્રોત્સાહન આપવામાં આવ્યું છે.

આ પણ વાંચો: એપ્રિલમાં ગુજરાતની તિજોરી છલકાઈ: જીએસટી આવકમાં 44%નો ઉછાળો

વાઇબ્રન્ટ ગુજરાત રિજનલ કોન્ફરન્સનું આયોજન

ગુજરાત સ્થાપના દિવસના અવસરે સુરતની ઓરો યુનિવર્સિટીમાં 1 અને 2 મેના રોજ ‘વાઇબ્રન્ટ ગુજરાત રિજનલ કોન્ફરન્સ’ (VGRC)ની ત્રીજી આવૃત્તિનું ભવ્ય આયોજન કરવામાં આવ્યું છે. આ મેગા ઇવેન્ટમાં જાપાન, રવાન્ડા, યુક્રેન અને સિંગાપોર જેવા દેશો ભાગીદાર તરીકે જોડાયા છે. મુખ્યમંત્રી ભૂપેન્દ્ર પટેલે આ કોન્ફરન્સનું ઉદ્ઘાટન કર્યું હતું, જેમાં કરોડો રૂપિયાના MOU પર હસ્તાક્ષર થયા છે. ઉપરાંત સુરત કટ ડાયમંડને GI ટેગ માટે ખાસ કવર લોન્ચ કરવામાં આવ્યું હતું અને 8 નવી સ્માર્ટ GIDCની જાહેરાત પણ કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ