ગુજરાત / રાજકોટની પાયલ મેટરનિટીના અંતરંગી વીડિયો પોર્ન સાઈટ સુધી કેવી રીતે પહોંચ્યાં? ભયાનક કારણ આવ્યું

ગુજરાતના રાજકોટમાં આવેલી જાણીતી પાયલ મેટરનિટી હોમના અંતરંગી વીડિયો મામલે એક મોટો ઘટસ્ફોટ થયો છે. નબળા અને કોમન પાસવર્ડને કારણે હેકર્સે આખી સિસ્ટમ હેક કરી લીધી અને તપાસ માટે આવતી મહિલાઓના પ્રાઈવેટ ફોટા અને વીડિયો ચોરી લીધા હતા. એક નાની ભૂલને કારણે, સ્ત્રીરોગચિકિત્સકો પાસે ચેકઅપ માટે જતી મહિલાઓના ઘણા ખાનગી વીડિયો હવે પોર્ન સાઇટ્સ પર પહોંચી ગયા છે. આ ઘટનાની તીવ્રતાનો અંદાજ એ હકીકત દ્વારા લગાવી શકાય છે કે તેને ભારતનો અત્યાર સુધીનો સૌથી મોટો સાયબર પોર્ન કૌભાંડ કહેવામાં આવી રહ્યો છે.

નબળો પાસવર્ડ હેક કરીને ચોરી લીધા વીડિયો

પાયલ મેટરનિટી હોમે ડિફોલ્ટ પાસવર્ડ એટલે 'admin123' સેટ કરી રાખ્યો હતો જે હેકર્સના હાથમા આવી ગયો હતો. તેઓએ હોસ્પિટલના ગાયનેકોલોજી વોર્ડમાં ચેકઅપ માટે આવતી મહિલાઓના ખાનગી ક્ષણોના વીડિયો રેકોર્ડ કર્યા. હેકર્સે આ ફૂટેજ ચોરી લીધા અને પૈસા માટે તેને ઓનલાઈન વેચવાનું શરૂ કર્યું. હેકર્સે જાન્યુઆરી 2024 થી ડિસેમ્બર 2024 ની શરૂઆત સુધી લગભગ એક વર્ષ સુધી મહિલાઓના ફોટા અને વીડિયો ચોરવાનું ચાલુ રાખ્યું હતું.

50,000થી વધુ ક્લિપ ચોરી

દેશભરમાં હોસ્પિટલો, શાળાઓ, ફેક્ટરીઓ, ઓફિસો અને ખાનગી ઘરોમાં સ્થાપિત કેમેરામાંથી આશરે 50,000 વિડિયો ક્લિપ્સ ચોરી લીધી હતી. આ સમગ્ર નેટવર્ક 80 થી વધુ સીસીટીવી ડેશબોર્ડને હેક કરીને સંચાલિત કરવામાં આવ્યું હતું, જેમાં પુણે, મુંબઈ, નાસિક, સુરત, અમદાવાદ અને દિલ્હી જેવા શહેરોનો સમાવેશ થાય છે.

વધુ વાંચો : બગીચામાં મોર્નિંગ વોક કરી રહેલી મહિલા સામે અશ્લીલ કૃત્ય કરતાં પહેલાં શખ્સે કર્યું હેરાનીભર્યું, છક થઈ જશો

હેકિંગ કેવી રીતે થયું?

આ સાયબર ક્રાઇમનું કારણ હોસ્પિટલના સીસીટીવી કેમેરાનો ડિફોલ્ટ પાસવર્ડ હતો. હેકર્સે ડિફોલ્ટ એડમિન પાસવર્ડ (એડમિન123) નો ઉપયોગ કરીને હોસ્પિટલના સીસીટીવી સિસ્ટમમાં પ્રવેશ કર્યો અને પછી ગાયનેકોલોજી વોર્ડમાં રેકોર્ડ કરાયેલા ખાનગી ફૂટેજ ચોરી લીધા. ત્યારબાદ તેઓએ આ ક્લિપ્સ આંતરરાષ્ટ્રીય પોર્નોગ્રાફિક નેટવર્ક્સને વેચી દીધી, જેનાથી લાખો રૂપિયા કમાયા હતા. અમદાવાદ સાયબર ક્રાઈમ બ્રાન્ચના એક અધિકારીએ જણાવ્યું હતું કે, 'હેકર્સે 'બ્રુટ ફોર્સ એટેક' ટેકનિકનો ઉપયોગ કર્યો હતો, જેમાં એક બોટ હજારો પાસવર્ડ અજમાવે છે જ્યાં સુધી તેને સાચો પાસવર્ડ ન મળે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ