માદરે વતન / Video: PM મોદી બે દિવસીય ગુજરાત પ્રવાસે: આજે નીકળશે ભવ્ય રોડ શો, જાણો પ્રતિબંધિત-વૈકલ્પિક રૂટ

Ahmedabad Road Show: ઓપરેશન સિંદૂર બાદ પીએમ મોદી માદરે વતન પધારી રહ્યા છે. વડાપ્રધાન નરેન્દ્ર મોદી મોદી આજથી તેમના બે દિવસના કાર્યક્રમની શરૂઆત કરશે. આજે સૌથી પહેલા તેઓ વડોદરામાં રોડ શો કરશે. ત્યાર બાદ તેઓ દાહોદ જવા રવાના થશે. દાહોદથી ભુજ અને પછી અમદાવાદ આવશે અને ત્યાર બાદ ગાંધીનગર ખાતે રાજભવનમાં રાત્રિ રોકાણ કરશે. આજના દિવસ દરમિયાન તેઓ 4 શહેરમાં 3 રોડ શો અને 2 જાહેરસભા યોજશે. ત્યારે અમદાવાદમાં પણ વડાપ્રધાન મોદી એરપોર્ટથી ઈન્દિરા બ્રીજ સુધી રોડ શો કરવાના છે. આને લઈને તડામાર તૈયારીઓ થઈ રહી છે. અમદાવાદ ટ્રાફિક પોલીસે પણ લોકોને અડચણ ના પડે તે માટે અગાઉથી જ માર્ગદર્શિકા જાહેર કરી લોકોને અવગત કર્યા છે.

View this post on Instagram

A post shared by VTV Gujarati News and Beyond (@vtv_gujarati_news)

અમદાવાદ એરપોર્ટથી ઇન્દિરા બ્રિજ સુધી રોડ શો

વડાપ્રધાન મોદી સાંજે અમદાવાદ આવશે અને ત્યાર બાદ અમદાવાદ એરપોર્ટથી ઇન્દિરા બ્રિજ સુધી રોડ શો કરશે. આ રોડ શો માટે એરપોર્ટ ગુજસેલ પાસેથી શરૂ કરી ઇન્દિરા બ્રિજ સુધી 19 સ્ટેજ બનાવવામાં આવ્યા છે. રોડ શોના રૂટ ઉપર દરેક જગ્યાએ તિરંગા લગાવવામાં આવ્યા છે. રોડ શોના રૂટ પર અંદાજિત 50,000 જેટલા લોકો રહેશે ઉપસ્થિત રહેશે.

અમદાવાદમાં પીએમ મોદીના રોડ શોને લઈને આ રસ્તાઓ બંધ રહેશે

26 મે (સોમવારે) ડફનાળા સર્કલથી ઇન્દિરા બ્રિજ સુધીનો રસ્તો સાંજે 4 વાગ્યાથી વાહન વ્યવહાર માટે બંધ રહેશે. અમદાવાદ ટ્રાફિક પોલીસે આ માટેના વૈકલ્પિક રૂટની માહિતી પણ આપી છે. અમદાવાદથી ગાંધીનગર અપડાઉન કરતા હોય તેમને સુભાષબ્રિજથી વિસત થઈ તપોવન સર્કલ થઈ ગાંધીનગર જવાનું રહેશે અથવા ડફનાળાથી રામેશ્વર થઈ મેમકોથી નરોડા પાટિયા થઈ ચિલોડા સર્કલથી ગાંધીનગર સુધી જઈ શકશે. ઇન્દિરાબ્રિજથી એરપોર્ટ સર્કલથી સરદારનગરવાળા રસ્તાથી એરપોર્ટ જવાનું રહેશે.

રોડ અને સર્વિસ રોડ સહિતના તમામ રસ્તા બપોરે 1 વાગ્યા બાદ નો પાર્કિંગ ઝોન

ટ્રાફિક ડીસીપી સફીન હસને જણાવ્યું કે સમગ્ર રોડ અને સર્વિસ રોડ સહિતના તમામ રસ્તા બપોરે 1:00 વાગ્યા બાદ નો પાર્કિંગ ઝોન રહેશે. 800 બસ આવવાની હોવાથી કોર્પોરેશન સાથે મળીને 10 પાર્કિંગ રાખવામાં આવ્યા છે.

વડોદરામાં પણ રોડ શો

વડોદરામાં વડાપ્રધાનનું ભવ્ય અભિવાદન કરવામાં આવશે. આજે સવારે 10 વાગ્યા આસપાસ વડોદરા એરપોર્ટ ખાતે પીએમ મોદીનું આગમન થશે. એરપોર્ટથી એરફોર્સ ગેટ સુધી એક કિલોમીટરનો રોડ શો કરશે. જૂના એરપોર્ટથી એરફોર્સ સુધી સિંદૂર સન્માન યાત્રા યોજાશે. 25000 મહિલાઓ વડાપ્રધાનનું અભિવાદન કરશે, રોડ શોના રૂટ પર પૂરજોશથી તૈયારીઓ થઈ ગઈ છે. રૂટ પર ઓપરેશન સિંદૂરની થીમ પર વિવિધ બેનરો લગાવવામાં આવ્યા છે. રૂટ પર સાંસ્કૃત્તિક ઝાંખી માટે સ્ટેજ બનાવવામાં આવ્યા છે. મહિલાઓ અભિવાદન કરી શકે તે માટે બેરિકેડ લગાવી વ્યવસ્થા કરાઈ છે.

વડોદરામાં 26 મે 2025એ સવારે 7 વાગ્યાથી જરૂરિયાત મુજબ રોડ બંધ

• પ્રતિબંધિત રસ્તો - હરણી મુક્તિધામ ત્રણ રસ્તાથી ગદા સર્કલ થઈ, એરપોર્ટ સર્કલ તરફ જઈ શકાશે નહીં.
• વૈકલ્પિક રોડ - હરણી મુક્તિધામ ત્રણ રસ્તાથી ડમરુ સર્કલ, સમા લિંક રોડ, સમા ટી પોઈન્ટ, ઊર્મિબ્રિજ ત્રણ રસ્તા, અમિતનગરબ્રિજ નીચે, કારેલીબાગ પાણીની ટાંકી ચાર રસ્તા થઈ જે-તે તરફ જઈ શકાશે.
• પ્રતિબંધિત રસ્તો - ડમરુ સર્કલથી ગદા સર્કલ થઈ, એરપોર્ટ સર્કલ તરફ જઈ શકાશે નહીં.
• વૈકલ્પિક રોડ - ડમરુ સર્કલથી સમા લિંક રોડ, સમા ટી પોઈન્ટ, ઊર્મિબ્રિજ ત્રણ રસ્તા, અમિતનગરબ્રિજ નીચે, કારેલીબાગ પાણીની ટાંકી ચાર રસ્તા થઈ જે-તે તરફ જઈ શકાશે.
• પ્રતિબંધિત રસ્તો - ગદા સર્કલથી એરપોર્ટ સર્કલ તરફ જઈ શકાશે નહીં.
• વૈકલ્પિક રોડ - ગદા સર્કલથી ડમરુ સર્કલ, સમા લિંક રોડ, સમા ટી પોઈન્ટ, ઊર્મિબ્રિજ ત્રણ રસ્તા, અમિતનગરબ્રિજ નીચે, કારેલીબાગ પાણીની ટાંકી ચાર રસ્તા થઈ જે-તે તરફ જઈ શકાશે.
• પ્રતિબંધિત રસ્તો - હરણી જૂના જકાત નાકા સર્કલથી એરપોર્ટ સર્કલ તરફ જઈ શકાશે નહીં.
• વૈકલ્પિક રોડ - હરણી જૂના જકાત નાકા સર્કલથી મેટ્રો હોસ્પિટલ, અમિતનગરબ્રિજ, કારેલીબાગ પાણીની ટાંકી ચાર રસ્તા થઈ જે-તે તરફ જઈ શકાશે.
• પ્રતિબંધિત રસ્તો - સરદાર એસ્ટેટ ચાર રસ્તાથી એરપોર્ટ સર્કલ તરફ જઈ શકાશે નહીં.
• વૈકલ્પિક રોડ - સરદાર એસ્ટેટ ચાર રસ્તાથી મહાવીર હોલ ચાર રસ્તા અથવા, વૃન્દાવન ચાર રસ્તા અથવા આજ્વાબ્રિજ થઈ જે-તે તરફ જઈ શકાશે.
• પ્રતિબંધિત રસ્તો - ખોડિયારનગર ચાર રસ્તાથી એરપોર્ટ સર્કલ તરફ જઈ શકાશે નહીં.
• વૈકલ્પિક રોડ - ખોડિયારનગર ચાર રસ્તાથી ગધેડા માર્કેટ, સરદાર એસ્ટેટ ચાર રસ્તા થઈ, જે-તે તરફ જઈ શકાશે.
• પ્રતિબંધિત રસ્તો - નટવરનગર ત્રણ રસ્તા (પ્રાણાયામ હોસ્પિટલવાળા)થી એરપોર્ટ સર્કલ તરફ જઈ શકાશે નહીં.
• વૈકલ્પિક રોડ - નટવરનગર ત્રણ રસ્તાથી ખોડિયારનગર ચાર રસ્તા તરફ અથવા નાયરા પેટ્રોલપંપ ત્રણ રસ્તા થઈ જે-તે તરફ જઈ શકાશે.
• પ્રતિબંધિત રસ્તો - પંચશીલ ત્રણ રસ્તાથી (વી.આઈ.પી રોડ) નટવરનગર ત્રણ રસ્તા (પ્રાણાયામ હોસ્પિટલ) તરફ જઈ શકાશે નહીં.
• વૈકલ્પિક રોડ - પંચશીલ ત્રણ રસ્તાથી(વી.આઈ.પી રોડ) સંગમ ચાર રસ્તા તરફ અથવા ગધેડા માર્કેટ ચાર રસ્તા થઈ જે-તે તરફ જઈ શકાશે.
• પ્રતિબંધિત રસ્તો - સંગમ ચાર રસ્તાથી એરપોર્ટ સર્કલ તરફ જઈ શકાશે નહીં
• વૈકલ્પિક રોડ - સંગમ ચાર રસ્તાથી ગધેડા માર્કેટ ચાર રસ્તા અથવા કારેલીબાગ પાણીની ટાંકી ચાર રસ્તા થઈ જે-તે તરફ જઈ શકાશે.
• પ્રતિબંધિત રસ્તો - મીરા ચાર રસ્તાથી એરપોર્ટ સર્કલ તરફ જઈ શકાશે નહીં.
• વૈકલ્પિક રોડ - મીરા ચાર રસ્તાથી પરત વળી, સંગમ ચાર રસ્તા અથવા આનંદબાગ ચાર રસ્તા થઈ જે-તે તરફ જઈ શકાશે.
• પ્રતિબંધિત રસ્તો - અમિતનગરબ્રિજ નીચેથી એરપોર્ટ સર્કલ તરફ જઈ શકાશે નહીં.
• વૈકલ્પિક રોડ - અમિતનગરબ્રિજ નીચેથી ઊર્મિબ્રિજ ત્રણ રસ્તા અથવા કારેલીબાગ પાણીની ટાંકી ચાર રસ્તા થઈ જે-તે તરફ જઈ શકાશે.

દાહોદમાં પ્રથમ ઇલેક્ટ્રિક લોકોમોટિવ દેશને સમર્પિત કરશે

વડોદરામાં રોડ શોનું આયોજન સમાપ્ત કર્યા પછી તુરંત તેઓ MI 17 હેલિકોપ્ટરમાં સવાર થઇ દાહોદ જવા રવાના થશે. જ્યાં તેઓ સવારે તેઓ અત્યાધુનિક કારખાનાનું નિરીક્ષણ કરશે અને "મેક ઇન ઇન્ડિયા"ના સ્વપ્નને સાકાર કરતું, ભારતમાં જ બનેલું પ્રથમ ઇલેક્ટ્રિક લોકોમોટિવ દેશને સમર્પિત કરશે. અહીં વડાપ્રધાન 24 હજાર કરોડથી વધુના વિવિધ વિકાસ પ્રોજેક્ટ્સનો શિલાન્યાસ કરશે અને ઉપસ્થિત જનમેદનીને સંબોધન પણ કરશે.

આ પણ વાંચો: ઓપરેશન સિંદૂર પછી 2 દિવસ માટે પ્રધાનમંત્રી ગુજરાતની મુલાકાતે, જાણો સંપૂર્ણ કાર્યક્રમ

ભુજમાં 10 હજાર મહિલા સ્વાગત કરશે

દાહોદ બાદ પીએમ ભુજ માટે રવાના થશે. ભુજમાં 10 હજાર બહેનો તેમનું સ્વાગત કરશે. પીએમ મોદી ભુજ એરપોર્ટથી સભાસ્થળ સુધીના માર્ગ પર દોઢ કિલોમીટરનો રોડ શો યોજશે. જેમાં 10 હજાર જેટલી મહિલાઓ કેસરી સાડી અને માથે સિંદૂર લગાવીને પીએમ મોદીને આવકારશે. રોડ શો કર્યા બાદ રાજ્યભરના 53,414 કરોડના ખર્ચના વિવિધ 33 વિકાસકાર્યોનું લોકાર્પણ અને ખાતમુહૂર્ત કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ