ગુજરાત કંપ્યું / ગુરૂપૂર્ણિમાએ માતાજીના દર્શન બાદ માતાપિતાએ ચઢાવી 7 વર્ષની દીકરીની 'બલી''! પુત્ર લાલસામાં મહાપાપ

ગુજરાતને હૈયે ચીરાડો પડે તેવી એક ઘટના બની છે. છોરૂં કછોરૂં થાય પણ માવતર કમાવતર ન થાય એ કહેવત ખોટી પડી છે. પુત્ર લાલસામાં એક માતાપિતાએ ઘરની લક્ષ્મીને મારવા જેવું ઘોર પાપ કરી નાખ્યું અને તે પણ ગુરપૂર્ણિમા જેવા પાવન પ્રસંગે.

દીકરી ગમતી નહોતી, દીકરો જોઈતો હતો

કેસની વિગત એવી છે કે ખેડાના ચેલાવતમાં એક કપલે 7 વર્ષની ભૂમિકા નામની દીકરી હતી, પરંતુ તેમને દીકરી ગમતી નહોતી અને દીકરો જોઈતો હતો આથી માતાપિતામાં કળિયુગ પેસી ગયો અને તેમણે દીકરીને મારી નાખવાનો પ્લાન બનાવ્યો હતો.

ગુરૂપૂર્ણિમાના દિવસે માતાજીના દર્શન બાદ દીકરીની હત્યા

આ કપલે દીકરીને મારી નાખવા માટેનો દિવસ પણ મહા પાવન પસંદ કર્યો. આ કપલે ગુરૂપૂર્ણિમાના દિવસે માતાજીના દર્શન કરવા ગયું હતું જ્યાંથી પાછા આવતાં માતાપિતાએ 7 વર્ષની ભૂમિકાને માછલી બતાવવાના બહાને પાળી પર ઉભી રાખી અને પછી પિતાએ માતાની સામે જ ભૂમિકાને કેનાલમાં ધક્કો મારી દીધો હતો.

વધુ વાંચો : VIDEO : પતિ મહાશય 'ધાકડ' બન્યાં! ગર્લફ્રેન્ડ સાથે હાઈવે પર બાંધ્યો સંબંધ, પત્નીએ ઝડપી લીધાં

લાશની શોધખોળ ચાલુ

હાલમાં તંત્ર દ્વારા કેનાલમાં ભૂમિકાની લાશ શોધાઈ રહી છે. પોલીસે આરોપી માતાપિતાની ધરપકડ કરી લીધી છે તથા વધુ તપાસ ચાલુ છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ