Video / દુબઈમાં વસતા દીકરા-દીકરીઓને લઇ પરિવારજનો ચિંતિત, સર્જાયા ભાવુક દ્રશ્યો

Palanpur News: મધ્ય પૂર્વમાં ચાલી રહેલા તણાવપૂર્ણ પરિસ્થિતિઓને કારણે ગુજરાતના પાલનપુર શહેરમાં પણ ચિંતા અને ગભરાટનો માહોલ સર્જાયો છે. ઇરાક અને ઇઝરાયેલ વચ્ચે વધતા તણાવના સમાચાર સતત પ્રસારિત થતા હોવાથી વિદેશમાં રહેતા પોતાના સંતાનો અંગે પરિવારજનોમાં ભારે વ્યાકુળતા જોવા મળી રહી છે.

પાલનપુર શહેરના આશરે 20 જેટલા યુવકો રોજગાર માટે દુબઈમાં રહે છે. હાલ તેઓ ત્યાં સુરક્ષિત હોવાનું જણાવે છે. છતાં પરિસ્થિતિને લઈને તેમના પરિવારજનો સતત ચિંતામાં છે. એરબેઝ બંધ હોવાની માહિતી મળતા યુવકો તાત્કાલિક વતન પરત ફરી શકતા નથી. જેના કારણે માતા-પિતાની ચિંતા વધુ વધી છે.

આ અંગે એક પિતા જયેશભાઈ રાવલે જણાવ્યું કે

" મારા દીકરાની ચિંતા સ્વાભાવિક થાય પણ મારી દર કલાકે એની સાથે વાત થાય છે અને ત્યાં એ લોકો સંપૂર્ણ સેફ છે. હાલ ફ્લાઇટ્સ બંધ હોવાને કારણે એ લોકો આવી શકતા નથી. લોકો એ સિવાય હાલ ત્યાં માહોલ ઘણો સેફ છે અને હજુ સુધી ચિંતા જેવુ કશું નથી. "

પરિવારજનો દર કલાકે વીડિયો કોલ કરી પોતાના દીકરાઓ સાથે વાતચીત કરી રહ્યા છે અને તેમની હાલત અંગે સમાચારો મેળવી રહ્યા છે. ટીવી ચેનલો પર યુદ્ધ સંબંધિત દૃશ્યો જોતા માતા-પિતા ભાવુક બની જાય છે. કેટલાક પરિવારોમાં તો રાત્રે ઊંઘ પણ ઊડી ગઈ હોવાનું જાણવા મળે છે. યુવકોના જણાવ્યા અનુસાર દુબઇમાં હાલ પરિસ્થિતિ નિયંત્રણમાં છે અને રોજિંદી જિંદગી સામાન્ય રીતે ચાલુ છે. જોકે આસપાસના વિસ્તારોમાં ક્યારેક આકાશમાં હવાઈ હુમલાના અવાજ સંભળાતા હોવાની ચર્ચાઓથી પરિવારજનોમાં ગભરાટ ફેલાયો છે.

આ પણ વાંચો: કાળા કાચ, NSUIની પ્લેટ, મણિનગરમાં દારૂ પીધેલી હાલતમાં કોંગ્રેસ નેતાના ભાણેજે સર્જ્યો અકસ્માત

સરકાર તરફથી માર્ગદર્શનની માંગ

સ્થાનિક લોકોનું કહેવું છે કે રાજ્ય અને કેન્દ્ર સરકાર તરફથી સ્પષ્ટ માર્ગદર્શન અને સત્તાવાર માહિતી મળે તો પરિવારોને થોડી માનસિક શાંતિ મળી શકે. હાલ તમામ પરિવારો પોતાના સંતાનોની સુરક્ષા માટે પ્રાર્થના કરી રહ્યા છે અને પરિસ્થિતિ જલદી સામાન્ય બને તેવી આશા વ્યક્ત કરી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ