ધરપકડ / જાસૂસી તો નથીને? કચ્છના રાપર પાસે ભારત પાકિસ્તાન બોર્ડરે પાક. પ્રેમી યુગલ ઝડપાયું, તપાસમાં શું ખુલાસો?

Kutch News: કચ્છમાં ભારત પાકિસ્તાન બોર્ડર પાસેથી પ્રેમી યુગલ ઝડપાયું છે. આ યુગલને કચ્છના રાપર બોર્ડર પાસેથી ઝડપી લેવાયુ છે. પ્રેમમાં પાગલ આ યુગલ મુળ પાકિસ્તાનનું છે. જેને લઇને બીએસએફ દ્વારા સઘન પુછપરછ હાથ ધરવામાં આવી છે. જાસૂસી કરવા તો નથી આવ્યાને તેને લઇને પણ તપાસ કરવામાં આવી રહી છે. જો કે, પકડાયેલા પાકિસ્તાની પ્રેમી પંખીડા પાસેથી કઈ વાંધાજનક મળ્યું નથી.

કચ્છના રાપર પાસે ભારત-પાકિસ્તાનની આંતરરાષ્ટ્રીય સરહદ ધરાવતા ખડીર વિસ્તારમાં વારંવાર પાકિસ્તાની શખ્સો પકડાવાની ઘટનાઓ સામે આવતી હોય છે તેવામાં બે મહિના અગાઉ જ રાપરના રતનપર ગામ પાસેથી હિન્દુ પાકિસ્તાની પ્રેમી પંખીડા ઝડપાયા હતા. તે ઘટમાં હજુ તાજી છે તેવામાં આજે વધુ એકવાર આંતરરાષ્ટ્રીય સરહદ પર પીલર નં.1016 પાસેથી પાકિસ્તાનના વતની પોપટ કુમાર નથુભાઈ(ઉ.વ.24) તથા ગૌરી ગુલાબ (રહે.મીઠી) પાકિસ્તાનને બીએસએફ દ્વારા પકડી પાડવામા આવ્યા હતા.

આ પણ વાંચોઃ લો બોલો, કચ્છમાંથી ઝડપાયો કલેક્ટરની ખોટી સહીઓ કરીને ઠગાઇ આચરનારો ક્લાર્ક, કચેરીમાં ચકચાર

આ અંગે બીએસએફ દ્વારા સધન પુછપરછ કરવામા આવી રહી છે અને આવતીકાલે વિધિવત બાલાસર પોલીસ સ્ટેશનમાં ફરીયાદ નોંધાવવા તજવીજ હાથ ધરવામાં આવશે. પકડાયેલા પ્રેમી પંખીડા પાસેથી કઈ વાંધાજનક મળ્યું નથી. પરંતુ વારંવાર આ પ્રકારની ઘટના બનતા સુરક્ષા એજન્સીઓ સતર્ક બની છે અને વધુ તપાસ હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ