તમારા કામનું / Gujarat Bharti 2025: ફાયર વિભાગમાં ભરતી પડી છે, ફાવી જશે ધો. 12 પાસ ઉમેદવારો

ગુજરાતમાં સરકારી નોકરી મેળવવાની રાહ જોઈ રહેલા ધોરણ 12 પાસ ઉમેદવારો માટે ખુશ ખબર આવી ગઈ છે. ગુજરાત ગૌણ સેવા પસંદગી મંડળ (GSSSB) દ્વારા ફાયરમેન કમ ડ્રાઈવર, વર્ગ-3 ની કુલ 13 જગ્યાઓ માટે ભરતીનું જાહેરાતનામું બહાર પાડવામાં આવ્યું છે.

આ ભરતી રાજ્યના શહેરી વિકાસ અને શહેરી ગૃહનિર્માણ વિભાગ હેઠળની રાજ્ય અગ્નિ નિવારણ સેવાઓની કચેરી હસ્તક કરવામાં આવશે.

લાયક ઉમેદવારો પાસેથી ઓનલાઈન અરજીઓ સ્વીકારવામાં આવી રહી છે. જાણી લો લાયકાત, વય મર્યાદા, પગારધોરણ અને અરજી કરવાની રીતની તમામ માહિતી.

ભરતીની મુખ્ય વિગતો

• સંસ્થા : ગુજરાત ગૌણ સેવા પસંદગી મંડળ (GSSSB)
• વિભાગ : શહેરી વિકાસ અને શહેરી ગૃહનિર્માણ વિભાગ
• કચેરી : રાજ્ય અગ્નિ નિવારણ સેવા કચેરી
• પોસ્ટ : ફાયરમેન કમ ડ્રાઈવર
• જગ્યા : 13
• ઉંમર મર્યાદા : 18 થી 33 વર્ષ
• અરજી કરવાની રીત : ઓનલાઈન
• અરજીની શરૂઆત : 1 સપ્ટેમ્બર 2025
• અંતિમ તારીખ : 15 સપ્ટેમ્બર 2025
• અરજી કરવા માટેની ઓફિશિયલ વેબસાઈટ : ojas.gujarat.gov.in

કેટેગરી મુજબ જગ્યાઓ

• બિન અનામત (સામાન્ય) : 5
• આર્થિક રીતે નબળા વર્ગ : 1
• અનુસૂચિત જનજાતિ : 2
• સામાજિક અને શૈક્ષણિક રીતે પછાત વર્ગ : 4
• કુલ જગ્યાઓ : 13

શૈક્ષણિક લાયકાત

• આ ભરતીમાં ઉમેદવાર ધોરણ 12 પાસ (HSC) હોવો જોઈએ અથવા સમકક્ષ લાયકાત ધરાવતો હોવો જોઈએ.
• રાજ્ય કે કેન્દ્ર સરકારની માન્ય સંસ્થામાંથી ફાયરમેનનો છ મહિનાનો અભ્યાસક્રમ પૂર્ણ કરેલો હોવો જોઈએ.
• વિકલ્પરૂપે, માન્ય સંસ્થામાંથી ફાયરમેન અથવા ડ્રાઈવર કમ પંપ ઓપરેટરનો અભ્યાસક્રમ પૂર્ણ કરેલો હોવો જોઈએ.
• ઉમેદવાર પાસે Heavy Motor Vehicle (HMV) ડ્રાઈવિંગ લાઈસન્સ હોવું આવશ્યક છે.
• કમ્પ્યુટરના મૂળભૂત ઉપયોગ અંગે જ્ઞાન હોવું જોઈએ.
• ગુજરાતી અને હિન્દી ભાષાનું પૂરતું જ્ઞાન હોવું જોઈએ.

શારીરિક લાયકાત

• પુરુષ ઉમેદવારો માટે :

મૂળ ગુજરાતના અનુસૂચિત જનજાતિ ઉમેદવારો માટે શારીરિક લાયકાતમાં લઘુતમ ઊંચાઈ (સેમી) 160, છાતી ફુલાવ્યા પહેલા 81, છાતી ફુલાવ્યા પછી 86 અને વજન 50 કિ.ગ્રા હોવો જોઈએ.

અનુસૂચિત જનજાતિ સિવાયના ઉમેદવારો માટે શારીરિક લાયકાતમાં લઘુતમ ઊંચાઈ (સેમી) 165, છાતી ફુલાવ્યા પહેલા 81, છાતી ફુલાવ્યા પછી 86 અને વજન 50 કિ.ગ્રા હોવો જોઈએ.

• મહિલા ઉમેદવારો માટે :

મૂળ ગુજરાતના અનુસૂચિત જનજાતિ મહિલા ઉમેદવારો માટે શારીરિક લાયકાતમાં લઘુતમ ઊંચાઈ (સેમી) 156 અને વજન 40 કિ.ગ્રા હોવું જોઈએ.

અનુસૂચિત જનજાતિ સિવાયના મહિલા ઉમેદવારો માટે લઘુતમ ઊંચાઈ (સેમી) 158 અને વજન 40 કિ.ગ્રા હોવું જોઈએ.

પગારધોરણ

પસંદ થયેલા ઉમેદવારોને પ્રારંભિક પાંચ વર્ષ સુધી દર મહિને 26,000 રૂપિયા ફિક્સ પગાર મળશે. પાંચ વર્ષ પછી તેમને સાતમા પગાર પંચ મુજબ રૂપિયા 19,900 થી રૂપિયા 63,200 (લેવલ-2) ના પગારધોરણમાં નિયમિત નિમણૂક કરવામાં આવશે.

વય મર્યાદા

અરજી કરનાર ઉમેદવારની ઉંમર 18 વર્ષથી ઓછી અને 33 વર્ષથી વધુ ના હોવી જોઈએ. અનામત વર્ગના ઉમેદવારોને સરકારના નિયમો મુજબ ઉંમરમાં છૂટછાટ મળશે.

વધુ વાંચો: UPSCની ભરતી પડી છે, તૈયારીઓ શરૂ કરી દેજો, માત્ર ઇન્ટરવ્યૂ પર થશે સિલેક્શન

અરજી કરવાની રીત

• સૌપ્રથમ ojas.gujarat.gov.in વેબસાઈટ ખોલવી.
• ત્યાં Current Advertisement વિભાગમાં ક્લિક કરવું.
• GSSSB ભરતીની યાદીમાં Fireman cum Driver ભરતી પસંદ કરવી.
• પછી Apply Online પર ક્લિક કરીને અરજી ભરવી.
• અંતે અરજી સબમિટ કર્યા પછી તેની પ્રિન્ટ કાઢવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ