શિક્ષણ / આવતીકાલે ધોરણ 10નું પરિણામ થશે જાહેર, જાણો કેવી રીતે જોઈ શકાશે?

GSEB Std 10 Result 2026 : ગુજરાતના ધોરણ 10ના વિદ્યાર્થીઓની આતુરતાનો અંત આવતીકાલે આવશે. વાસ્તવમાં આવતીકાલે સવારે 8 વાગ્યે રાજ્યના બોર્ડનું SSC પરિણામ સત્તાવાર રીતે જાહેર થવાનું છે, જેના કારણે વિદ્યાર્થીઓ અને તેમના માતા-પિતામાં ભારે ઉત્સુકતા જોવા મળી રહી છે.

વિદ્યાર્થીઓ પોતાનું પરિણામ ઑનલાઇન ચકાસી શકશે. તેના માટે GSHSEBની અધિકૃત વેબસાઇટ gseb.org પર જઈને બેઠક નંબર દાખલ કરવો રહેશે. પરિણામ જાહેર થતાં જ વેબસાઇટ પર સીધી લિંક ઉપલબ્ધ રહેશે, જેથી વિદ્યાર્થીઓ સરળતાથી માર્કશીટ જોઈ શકે.

મહત્વનું છે કે, આ વખતે બોર્ડે વધુ એક સરળ વિકલ્પ પણ આપ્યો છે. વિદ્યાર્થીઓ વોટ્સએપ દ્વારા પણ પોતાનું પરિણામ મેળવી શકશે. તેના માટે 6357300971 નંબર પર પોતાનો બેઠક નંબર મોકલતાં જ પરિણામ ફોન પર મળી જશે. ખાસ કરીને જ્યાં ઈન્ટરનેટની સગવડ ઓછી છે, ત્યાં આ સેવા ખૂબ ઉપયોગી સાબિત થશે.

આ પણ વાંચો : ગુજરાતવાસીઓ આકરી ગરમી માટે તૈયાર રહો, તાપમાન પહોંચશે 44 ડિગ્રીને પાર

માત્ર ધોરણ 10નું પરિણામ જ નહીં, પરંતુ સંસ્કૃત પ્રથમ વિષયની પરીક્ષાનું પરિણામ પણ આવતીકાલે જ જાહેર થવાનું છે. આથી સંસ્કૃત વિષયના વિદ્યાર્થીઓ માટે પણ આ દિવસ ખાસ મહત્વ ધરાવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ