મોટા સમાચાર / આ તારીખે ગુજરાત વિધાનસભામાં રાજ્ય સરકાર રજૂ કરશે UGC બિલ

UGC Bill Gujarat : UGC બિલને લઈ સૌથી મોટા સમાચાર સામે આવ્યા છે. વાસ્તવમાં રાજ્યના શિક્ષણ ક્ષેત્ર માટે મહત્વપૂર્ણ ગણાતું UGC બિલ હવે ટૂંક સમયમાં ગુજરાત વિધાનસભામાં રજૂ થવાનું છે. મળતી માહિતી મુજબ આ બિલ વિધાનસભા સત્રના અંતિમ દિવસોમાં ગૃહમાં રજૂ કરીને પસાર કરવાની સરકારની તૈયારી છે.

સૂત્રોના જણાવ્યા અનુસાર 24 અથવા 25 માર્ચના રોજ આ બિલ ગૃહમાં મૂકવામાં આવી શકે છે. રાજ્ય સરકાર દ્વારા આ બિલને અંતિમ સ્વરૂપ આપવામાં આવી રહ્યું છે જેથી સમયસર તેને મંજૂરી મળી શકે.

અહેવાલો મુજબ આ મુદ્દે રાજ્યના મુખ્યમંત્રી ભૂપેન્દ્ર પટેલે તાજેતરમાં નવી દિલ્હીની મુલાકાત દરમિયાન પણ ચર્ચા કરી હતી. કેન્દ્ર સાથે સંકલન બાદ હવે રાજ્ય સરકાર આ બિલને વિધાનસભામાં રજૂ કરવા તૈયાર છે. આ બિલનો મુખ્ય હેતુ રાજ્યમાં ઉચ્ચ શિક્ષણ પ્રણાલીમાં સુધારા લાવવાનો અને યુનિવર્સિટીઓના સંચાલનને વધુ સુવ્યવસ્થિત બનાવવાનો છે.

આ પણ વાંચો : ગુજરાત યુનિ. સહિત રાજ્યની 8 યુનિવર્સિટીના રજીસ્ટ્રાર વિરૂદ્ધ તપાસના આદેશ

નોંધનીય છે કે, બિલ પસાર થયા બાદ રાજ્યના શિક્ષણ ક્ષેત્રમાં કેટલાક મહત્વપૂર્ણ ફેરફારો જોવા મળી શકે છે. હાલમાં વિધાનસભા સત્ર અંતિમ તબક્કામાં હોવાથી સરકાર આ બિલને ઝડપથી ગૃહમાં રજૂ કરીને પસાર કરવાની દિશામાં આગળ વધી રહી છે. આગામી દિવસોમાં આ મુદ્દે રાજકીય ચર્ચા પણ તેજ બનવાની શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ