ગોલ્ડન મોકો / Gold Price: લગ્નસરાની મૌસમ પહેલા સોનાના ભાવમાં ઘટાડો. ચાંદી થઈ કિંમતી, જાણો લેટેસ્ટ રેટ

• આજે સોનાનાં ભાવમાં ઘટાડો જ્યારે ચાંદી મોંઘી થઈ
• 24 કેરેટ સોનાનો ભાવ ઘટીને 62317 રૂપિયા થયો
• જ્યારે ચાંદીની કિંમત 71573 રૂપિયા/કિલો છે

ભારતીય શરાફા બજારમાં આજે 8 જાન્યુઆરીનાં રોજ સોનું સસ્તું જ્યારે ચાંદી મોંઘી થઈ છે. સોનાનો ભાવ 62000 રૂપિયા પ્રતિ 10 ગ્રામને પાર જ્યારે ચાંદીની કિંમત 71000 રૂપિયા પ્રતિ કિલોથી વધારે નોંધાયો છે. રાષ્ટ્રીય સ્તર પર 999 શુદ્ધતાવાળા 24 કેરેટ 10 ગ્રામ સોનાની કિંમત 62317 રૂપિયા છે જ્યારે 999 શુદ્ધતાવાળી ચાંદીની કિંમત 71573 રૂપિયા છે.

ઈન્ડિયન બુલિયન એન્ડ જ્વેલર્સ એસોસિએશન અનુસાર શુક્રવારે સાંજે 24 કેરેટ શુદ્ધ સોનું 62540 રૂપિયા પ્રતિ 10 ગ્રામ હતું જે આજે સોમવારે સવારે સસ્તો થઈને 62317 રૂપિયા પર પહોંચી ગયો છે. આ રીતે શુદ્ધતાનાં આધારે સોનું સસ્તું અને ચાંદી મોંઘી થઈ છે.

અમદાવાદમાં સોનાનો ભાવ
ગૂડ રિટર્નસનાં આંકડાઓ અનુસાર આજે અમદાવાદ ખાતે 10 ગ્રામ 22 કેરેટ સોનાનો ભાવ 57850 રૂપિયા નોંધાયો છે. જ્યારે 24 કેરેટ સોનાની વાત કરીએ તો 10 ગ્રામ સોનાનો ભાવ 63100 રૂપિયા નોંધાયો છે. 18 કેરેટ સોનાનો ભાવ પ્રતિ 10 ગ્રામ  47330 રૂપિયા થયો છે.

વધુ વાંચો: વર્ષના પ્રથમ સપ્તાહમાં જ દેશમાં જબરદસ્ત રોકાણ, આંકડો 4800 કરોડને પાર કરી ગયો

અમદાવાદમાં ચાંદીની કિંમત
ગૂડ રિટર્નસનાં આંકડાઓ અનુસાર આજે અમદાવાદમાં ચાંદીની કિંમત 76400 રૂપિયા પ્રતિ કિલો નોંધાઈ છે. શુક્રવારે આ ભાવ 76600 નોંધાયો હતો.