મોટા સમાચાર / 'સલીમ સુરેશ બનીને દીકરી ફસાવશે તો છોડાશે નહીં', લગ્ન નોંધણી નિયમોમાં ફેરફારનું હર્ષ સંઘવીનું એલાન

Gujarat Marriages Rules : ગુજરાતમાં લગ્ન નોંધણીની પ્રક્રિયાને વધુ પારદર્શક અને વ્યવસ્થિત બનાવવા રાજ્ય સરકારે મહત્વપૂર્ણ નિર્ણય લીધો છે. ગુજરાત વિધાનસભાના ચાલુ સત્ર દરમિયાન સરકારે જાહેરાત કરી કે ‘ગુજરાત Registration of Marriages Rules’ હેઠળ કેટલાક નિયમોમાં ફેરફાર કરવાની તૈયારી છે. સરકારનું કહેવું છે કે, લગ્ન નોંધણી પ્રક્રિયામાં કેટલીક તકલીફો અને ગેરસમજો અંગે વિવિધ રજૂઆતો મળી હતી. આ રજૂઆતોને ધ્યાનમાં રાખીને નિયમોમાં સુધારા લાવવા વિચારણા કરવામાં આવી છે. નવા પ્રસ્તાવિત નિયમો અંગે જાહેરમાંથી વાંધા અને સૂચનો મંગાવવામાં આવશે. પ્રાપ્ત થયેલા અભિપ્રાયો પર ચર્ચા કર્યા પછી જ અંતિમ નિર્ણય લેવામાં આવશે.

શું કહ્યુ નાયબ મુખ્યમંત્રી હર્ષ સંઘવીએ ?

આ મુદ્દે રાજ્યના નાયબ મુખ્યમંત્રી અને ગૃહ રાજ્યમંત્રી હર્ષ સંઘવીએ સ્પષ્ટ શબ્દોમાં કહ્યું કે, સરકારને પ્રેમ સંબંધોથી કોઈ વાંધો નથી. પરંતુ કોઈ વ્યક્તિ ખોટી ઓળખ આપી કે ભ્રમ ફેલાવીને દીકરીઓને ફસાવવાનો પ્રયાસ કરશે તો કડક કાર્યવાહી કરવામાં આવશે. તેમના નિવેદન પછી આ મુદ્દે રાજકીય અને સામાજિક સ્તરે ચર્ચા તેજ બની છે.

શું બદલાઈ શકે?

સરકારનો હેતુ લગ્ન નોંધણી પ્રક્રિયાને વધુ સુગમ, પારદર્શક અને કાનૂની રીતે મજબૂત બનાવવાનો છે. જો નવા નિયમો અમલમાં આવશે, તો નોંધણી દરમિયાન ઓળખ, દસ્તાવેજીકરણ અને ચકાસણી પ્રક્રિયામાં વધુ સ્પષ્ટતા આવી શકે છે. હાલ માટે સરકાર જનમત મેળવવા તરફ આગળ વધી છે. જાહેરમાંથી મળનારા સૂચનોના આધારે અંતિમ નિયમો નક્કી થશે, જે પછી અમલમાં આવશે.

આ પણ વાંચો : લગ્ન નોંધણીના નિયમોમાં મોટા ફેરફારની આજે જાહેરાત, 9 મહિનાની લડત બાદ લગ્ન નોંધણી મુદ્દે સરકારનો સ્વીકાર

વિધાનસભામાં અન્ય મુદ્દાઓ પણ ચર્ચામાં

સત્ર દરમિયાન કૃષિ, પશુપાલન, સહકાર, ગ્રામ વિકાસ, પર્યાવરણ અને ક્લાઈમેટ ચેન્જ જેવા અનેક મહત્વના વિભાગોના પ્રશ્નો લેવામાં આવ્યા. ઉપરાંત, ગ્રામ પંચાયતોના વાર્ષિક અહેવાલો, Gujarat Metro Rail Corporation તથા Gujarat State Fertilizers and Chemicals Limitedના હિસાબ અને ઓડિટ અહેવાલો પણ ગૃહ સમક્ષ મુકવાના છે. કામકાજ સલાહકાર સમિતિમાં લેવાયેલા નિર્ણયોની માહિતી પણ અધ્યક્ષ દ્વારા આપવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ