મોટા સમાચાર / રીવાબા જાડેજાને નવા મંત્રીમંડળમાં સ્થાન, મંત્રી પદ માટે આવ્યો ફોન

Gujarat Cabinet Expansion : ગુજરાતમાં આખરે એ ઘડી આવી ગઈ છે, નવા મંત્રીમંડળનું વિસ્તરણને લઈને એક પછી એક ધારાસભ્યોને ફોન કરવામાં આવી રહ્યા છે. કેટલાક મંત્રીઓ રિપીટ થયા છે તો કેટલાક નવા નામ પણ સામે આવી રહ્યા છે, નવા નામમાં રીવાબા જાડેજા સૌથી વધારે ચર્ચાસ્પદ નામ હતું તેને પણ શપથવિધિ માટે ફોન આવી ગયો છે.

રીવાબા જાડેજા જામનગરના ધારાસભ્ય

રીવાબા જાડેજા ભારતીય ક્રિકેટર રવિન્દ્ર જાડેજાના પત્ની અને ગુજરાતમાં સક્રિય નેતા છે. રીવાબાએ 2022માં ભાજપના ઉમેદવાર તરીકે ઉત્તર જામનગર બેઠક જીતી હતી અને ધારાસભ્ય બન્યા હતા. મહિલા સશક્તિકરણના મુદ્દાઓ પર પોતાના મુદ્દાઓ વ્યક્ત કરવા માટે પણ તેઓ જાણીતા છે.

રીવાબા જાડેજાનો અભ્યાસ

5 સપ્ટેમ્બર 1990ના રોજ જન્મેલા રીવાબા મૂળ રાજકોટના છે. તેમણે આત્મીય ઇન્સ્ટિટ્યૂટ ઓફ ટેકનોલોજી એન્ડ સાયન્સ રાજકોટમાંથી મિકેનિકલ એન્જિનિયરિંગનો અભ્યાસ કર્યો છે. તેના પિતા હરદેવસિંહ સોલંકી ઉદ્યોગપતિ છે અને તે લાંબા સમયથી સામાજિક કાર્યો સાથે સંકળાયેલા છે.

વધુ વાંચો : નવા મંત્રીમંડળનું વિસ્તરણ શરુ, આ મંત્રીઓ યથાવત રહ્યા, જુઓ લિસ્ટ

2019માં ભાજપમાં જોડાયા

રીવાબા વર્ષ 2019માં ભારતીય જનતા પાર્ટી (BJP)માં જોડાયા હતા. ત્યારથી તે ભાજપના તમામ કાર્યક્રમોનો હિસ્સો છે. રીવાબાને નાનપણથી જ રાજકારણનું વાતાવરણ મળ્યું છે કારણ કે તેમના કાકા હરિસિંહ સોલંકી કોંગ્રેસના નેતા રહી ચૂક્યા છે. જો કે તેઓ કોંગ્રેસને પસંદ ન કરીને ભાજપમાં જોડાયા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ