નવું મંત્રીમંડળ / મધ્ય ગુજરાતમાંથી બે મહિલા, તો ઉત્તર-દક્ષિણમાંથી ST-OBCનું પ્રભુત્વ, જુઓ યાદી

Gujarat Cabinet Expansion: ગુજરાતમાં નવા મંત્રીમંડળની સત્તાવાર જાહેરાત થઈ ગઈ છે. મંત્રીમંડળમાં જે ધારાસભ્યોને સ્થાન મળ્યું છે તે તમામને ફોન આવી ગયા છે. ગાંધીનગરના મહાત્મા મંદિર ખાતે થોડીવારમાં જ નવા મંત્રીઓ શપથ લેશે, ત્યારે સૌરાષ્ટ્ર ઉપરાંત મધ્ય, દક્ષિણ અને ઉત્તર ગુજરાતમાંથી પણ ધારાસભ્યોની લોટરી લાગી છે.

OBC અને SC – STનો દબદબો

મધ્ય અને દક્ષિણ ગુજરાતમાં 6 જ્યારે ઉત્તર ગુજરાતમાંથી ચાર નામ સામે આવ્યા છે. જો જ્ઞાતિ સમિકરણની વાત કરીએ તો OBC, પાટીદાર અને SC – STનો દબદબો જોવા મળી રહ્યો છે. નોંધનીય છે કે કેટલાક નવા ચહેરાઓને સ્થાન આપવામાં આવ્યું છે.

મધ્ય અને દક્ષિણ ગુજરાતમાં આ MLA બન્યા મંત્રી

મધ્ય ગુજરાતમાંથી ની વાત કરવામાં આવે તો મનીષા વકીલ, રમેશ કટારા, કમલેશ પટેલ, દર્શનાબહેન વાઘેલા, સંજયસિંહ મહિડા, રમણ સોલંકીને સ્થાન આપવામાં આવ્યું છે. મધ્ય ઉપરાંત દક્ષિણ ગુજરાતમાંથી પ્રફુલ્લ પાનસેરિયા, કનુ દેસાઇ, હર્ષભાઈ સંઘવી, નરેશ પટેલ, જયરામ ગામિત, ઈશ્વર પટેલનો સમાવેશ થાય છે.

ઉત્તર ગુજરાતમાંથી ચાર ધારાસભ્યોને લોટરી

ઉત્તર ગુજરાતની વાત કરીએ તો ચાર ધારાસભ્યોની દિવાળી સુધરી ગઈ છે. જેમાં ઋષિકેશ પટેલ, પી.સી.બરંડા, પ્રવિણ માળી, સ્વરૂપજી ઠાકોરનો સમાવેશ થાય છે. ભૂપેન્દ્રભાઈ પટેલની નવી ટીમમાં હવે ત્રણ મહિલાનો સમાવેશ થયો છે તો મંત્રી મંડળમાં ત્રણ SC, ચાર ST, 9 OBC અને 7 પટેલ તેમજ એક ક્ષત્રિય અને એક જૈનને સ્થાન આપવામાં આવ્યું છે.

વધુ વાંચો : નવા મંત્રીમંડળમાં વધ્યો સૌરાષ્ટ્રનો દબદબો, આઠ ધારાસભ્યો બન્યા મંત્રી, જુઓ લિસ્ટ

નવા મંત્રીઓને રાજ્યપાલ શપથ લેવડાવશે

નવા મંત્રીઓને મહાત્મા મંદિરે રાજ્યપાલ આચાર્ય દેવવ્રત પદ અને ગોપનીયતાના શપથ લેવડાવશે. ભાજપના રાષ્ટ્રીય અધ્યક્ષ જે.પી.નડ્ડા, કેન્દ્રિય મંત્રી સી.આર.પાટીલ,ગુજરાત પ્રદેશ ભાજપ અધ્યક્ષ જગદીશ વિશ્વકર્મા સહિત પ્રદેશ ભાજપના નેતાઓ પણ ઉપસ્થિત રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ