ગાંધીનગર / નવા મંત્રીમંડળમાં સૌથી મોટી ઉંમરના મંત્રી 74 વર્ષના, આ મંત્રીએ સૌથી નાની ઉંમરે લીધા શપથ

Gujarat cabinet expansion : ગુજરાતમાં આખરે ભૂપેન્દ્ર પટેલની 3.0 સરકાના મંત્રીઓએ શપથગ્રહણ કરી લીધા છે. કેટલાક મંત્રીઓ યથાવત રહ્યા છે, જ્યારે નવા ચહેરાઓને પણ સ્થાન મળ્યું છે.

નવા મંત્રીમંડળમાં યુવા અને અનુભવનું મિશ્રણ

ગુજરાતના નવા મંત્રીમંડળના કૂલ 26 મંત્રીઓએ સ્થાન મળ્યું છે, જેમાંથી 5 કેબિનેટ તેમજ 3 રાજ્યક્ષા (સ્વતંત્ર હવાલો)ના મંત્રીઓએ શપથગ્રહણ કર્યા છે. જો કે બે મંત્રીઓની ચર્ચા ખૂબ થઈ રહી છે, જેમાં સૌથા નાની વયના મંત્રી તેમજ સૌથી મોટી ઉંમરના મંત્રીનો સમાવેશ થાય છે.

સૌથી નાના અને સૌથી મોટી ઉંમરના મંત્રીઓ

ભૂપેન્દ્ર પટેલ 3.0ની નવી ટીમમાં સૌથી યુવા મંત્રી ક્રિકેટર રવિન્દ્ર જાડેજાના પત્ની અને જામનગરના ધારાસભ્ય રીવાબા જાડેજા છે, જેમની ઉંમર 34 વર્ષ છે અને તેમણે રાજ્યકક્ષાના મંત્રી તરીકે શપથ લીધા છે. જો સૌથી મોટી ઉંમરના મંત્રીની વાત કરીએ તો પારડીના ધારાસભ્ય કનુભાઈ દેસાઈ છે, જેમની ઉંમર 74 વર્ષ છે. કનુભાઈ દેસાઈને કેબિનેટ મંત્રી તરીકે રિપીટ કરાયા છે. નોંધનીય છે કે કનુભાઈ નાણામંત્રી રહી ચૂક્યા છે.

કેબિનેટ અને રાજ્યકક્ષના મંત્રીઓએ શપથ લીધા

ગુજરાતમાં ભૂપેન્દ્ર સરકાર 3.0ના મંત્રીમંડળની શપથવિધિ થઈ રહી છે, મહાત્મા મંદિર ખાતે રાજ્યપાલ નવા મંત્રીઓને શપથ લેવડાવી રહ્યા છે, જેમાં 9 કેબિનેટ મંત્રી, 3ને રાજ્યકક્ષા (સ્વતંત્ર હવાલો), 13 રાજ્યકક્ષાના મંત્રીએ શપથગ્રહણ કર્યા છે.

નવા મંત્રીમંડળમાં જ્ઞાતિનું સમિકરણ

ગુજરાતના નવા મંત્રીમંડળમાં 8 OBC, 7 પાટીદાર, ચાર ST, ત્રણ SC, બે ક્ષત્રિય તેમજ અન્ય એક જૈન તેમજ એક બ્રાહ્મણનો સમાવેશ કરવામાં આવ્યો છે. ઝોન વાઈઝ વાત કરીએ તો સૌરાષ્ટ્ર-કચ્છમાંથી 9, મધ્ય ગુજરાતમાંથી 7, દક્ષિણ ગુજરાતમાંથી 6 તેમજ ઉત્તર ગુજરાતમાંથી 4 ધારાસભ્યોને દિવાળી પહેલા જ ગૂડ ન્યૂઝ મળી ગયા છે. નોંધનીય છે કે, નવા મંત્રીમંડળમાં કોંગ્રેસમાંથી આવેલા એક નેતાને પણ સ્થાન આપવામાં આવ્યું છે.

વધુ વાંચો : Gujarat Cabinet : હર્ષ સંઘવી DYCM સહિત 9 કેબિનેટ મંત્રી, 13 રાજ્યકક્ષાના મંત્રીએ લીધા શપથ

3 મહિલાઓને પણ આપી મંત્રીમંડળમાં જગ્યા

ભાજપ સરકાર હંમેશા મહિલા સશક્તિકરણનો મુદ્દો ઉઠાવતી આવી છે, ત્યારે નવા મંત્રીમંડળમાં આ દ્રષ્ટિકોણ પણ સ્પષ્ટ દેખાઈ રહ્યો છે. આ વખતે 3 મહિલાઓને મંત્રીમંડળમાં સ્થાન મળ્યું છે, જે ભાજપના 'સમાન પ્રતિનિધિત્વ'ના સંદેશને વધુ મજબૂત બનાવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ