નવું મંત્રીમંડળ / Gujarat Cabinet : હર્ષ સંઘવી DYCM સહિત 9 કેબિનેટ મંત્રી, 13 રાજ્યકક્ષાના મંત્રીએ લીધા શપથ

Gujarat cabinet expansion : ગુજરાતમાં ભૂપેન્દ્ર સરકાર 3.0ના મંત્રીમંડળની શપથવિધિ થઈ રહી છે, મહાત્મા મંદિર ખાતે રાજ્યપાલ નવા મંત્રીઓને શપથ લેવડાવી રહ્યા છે, જેમાં 9 કેબિનેટ મંત્રી, 3ને રાજ્યકક્ષા (સ્વતંત્ર હવાલો), 13 રાજ્યકક્ષાના મંત્રીએ શપથગ્રહણ કર્યા છે.

ભૂપેન્દ્ર પટેલે મંત્રીમંડળનો વિસ્તાર કર્યો

ગુજરાતમાં મુખ્યમંત્રી ભૂપેન્દ્ર પટેલે પોતાના મંત્રીમંડળનો વિસ્તાર કર્યો છે. ગાંધીનગરના મહાત્મા મંદિર ખાતે કુલ 25 મંત્રીઓએ શપથ લીધા હતા. નવા મંત્રીમંડળમાં છ જૂના ચહેરાઓનો સમાવેશ કરવામાં આવ્યો છે. આ ફેરફાર 2027ની વિધાનસભા ચૂંટણીની તૈયારી માટે કરવામાં આવ્યો હતો, જેમાં પ્રાદેશિક અને જાતિ સંતુલન પર ખાસ ધ્યાન આપવામાં આવ્યું છે.

કોંગ્રેસના નેતાને પણ મળ્યું મંત્રીપદ

ગુજરાતમાં આજે એક મોટા મંત્રીમંડળનું વિસ્તરણ થયું છે. જેની ચર્ચા હતી તે ડેપ્યુટી સીએમ તરીકે હર્ષ સંઘવીને નિયુક્ત કરવામાં આવ્યા છે. વિવિધ ક્ષેત્રોમાંથી કેબિનેટ અને રાજ્યમંત્રીઓની પસંદગી તબક્કાવાર રીતે કરવામાં આવી છે. ભાજપમાં જોડાયા બાદ પૂર્વ કોંગ્રેસના નેતાને પણ મંત્રી પદ આપવામાં આવ્યું છે.

કેબિનેટ મંત્રી તરીકે આ ધારાસભ્યએ લીધા શપથ

• હર્ષ સંઘવી
• જીતુ વાઘાણી
• કનુ દેસાઇ
• કુંવરજી બાવળિયા
• ઋષિકેશ પટેલ
• નરેશ પટેલ
• અર્જુન મોઢવાડિયા
• પ્રદ્યુમન વાજા
• રમણ સોલંકી

રાજ્યકક્ષા (સ્વતંત્ર હવાલો)

• ઈશ્વર પટેલ
• પ્રફુલ્લ પાનસેરિયા
• મનીષા વકીલ

રાજ્યકક્ષાના મંત્રી

ત્રિકમ છાંગા

સ્વરૂપજી ઠાકોર

પ્રવીણ માળી

પીસી બરંડા

દર્શના વાઘેલા

કાંતિ અમૃતિયા

રિવાબા જાડેજા

કૌશિક વેકરીયા

પરસોત્તમ સોલંકી

કમલેશ પટેલ

સંજય મહિડા

રમેશ કટારા

જયરામ ગામિત

નવા મંત્રીમંડળમાં જ્ઞાતિનું સમિકરણ

ગુજરાતના નવા મંત્રીમંડળમાં 8 OBC, 7 પાટીદાર, ચાર ST, ત્રણ SC, બે ક્ષત્રિય તેમજ અન્ય એક જૈન તેમજ એક બ્રાહ્મણનો સમાવેશ કરવામાં આવ્યો છે. ઝોન વાઈઝ વાત કરીએ તો સૌરાષ્ટ્ર-કચ્છમાંથી 9, મધ્ય ગુજરાતમાંથી 7, દક્ષિણ ગુજરાતમાંથી 6 તેમજ ઉત્તર ગુજરાતમાંથી 4 ધારાસભ્યોને દિવાળી પહેલા જ ગૂડ ન્યૂઝ મળી ગયા છે. નોંધનીય છે કે, નવા મંત્રીમંડળમાં કોંગ્રેસમાંથી આવેલા એક નેતાને પણ સ્થાન આપવામાં આવ્યું છે.

વધુ વાંચો : VIDEO : હર્ષ સંઘવીને દિવાળી બોનસ, પ્રમોશન સાથે બન્યા રાજ્યના સૌથી યુવા DYCM

3 મહિલાઓને પણ આપી મંત્રીમંડળમાં જગ્યા

ભાજપ સરકાર હંમેશા મહિલા સશક્તિકરણનો મુદ્દો ઉઠાવતી આવી છે, ત્યારે નવા મંત્રીમંડળમાં આ દ્રષ્ટિકોણ પણ સ્પષ્ટ દેખાઈ રહ્યો છે. આ વખતે 3 મહિલાઓને મંત્રીમંડળમાં સ્થાન મળ્યું છે, જે ભાજપના 'સમાન પ્રતિનિધિત્વ'ના સંદેશને વધુ મજબૂત બનાવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ