રાજ્યની વિધાનસભાની 6 બેઠક પરની પેટાચૂંટણીમાં મતદાન યોજાઇ રહ્યું છે. જેમાં બાયડ બેઠક પર પણ પેટાચૂંટણીને લઇને મતદાન ચાલી રહ્યું છે. ત્યારે આ બેઠકના પેટાચૂંટણીના EVM ના ફોટા વાયરલ થયા છે.
બાયડ પેટાચૂંટણીના EVMના ફોટા થયા વાયરલ
વીડિયો વાયરલ થતા રાજકારણમાં ગરમાવો
ચૂંટણીપંચે વીડિયોને લઈને તપાસ હાથધરી
કોંગ્રેસના ઉમેદવારને મત આપવાનો વીડિયો થયો વાયરલ
બાયડ વિધાનસભા પેટાચૂંટણી પર ભાજપના ઉમેદવાર ધવલસિંહ ઝાલા અને કોંગ્રેસના ઉમેદવાર જશુભાઇ પટેલ વચ્ચે ટક્કર જોવા મળી રહી છે. ત્યારે કોંગ્રેસના ઉમેદવારને મત આપવાનો વીડિયો સોશિયલ મીડિયામાં વાયરલ થતાં રાજકારણમાં ગરમાવો જોવા મળ્યો છે. જો કે આ વીડિયો વાયરલ થતાં ચૂંટણી પંચે તપાસના હાથધરી છે.
અરવલ્લીના પટેલીયાના મુવાડા ગામે ચૂંટણી બહિષ્કાર
બાયડના પટેલિયાના મુવાડા ગામે ચૂંટણીનો બહિષ્કાર કરવામાં આવ્યો હતો. જો કે ગામ લોકોએ ચૂંટણીનો બહિષ્કાર કરતાં ઉમેદવારો દોડતાં થઇ ગયેલા જોવા મળ્યાં હતા. જેને લઇને ભાજપના ઉમેદવાર ધવલલસિંહ ઝાલા પટેલિયાના મુવાડા પહોંચ્યા હતા. ગામ લોકોને મતદાન કરવા સમજાવવા માટે ધવસિંહ ઝાલા સાથે સાંસદ દીપસિંહ રાઠોઠ પણ લોકોને મનાવવા પહોંચ્યા હતા.
બાયડના 4 ગામમાં EVM-VVPAT ખોટવાયાં
બાયડ બેઠક પર ચાલી રહેલ પેટાચૂંટણી પરના મતદાનને લઇને અહીં ચાર મથકો પર EVM-VVPAT ખોટવાયા હોવાની વાત બહાર આવી છે. જેમાં હેલોદર, માનવાવ, ગાબટ અને ચોઇલા ગામમાં VVPAT ખામી સર્જાયેલી જોવા મળી છે. જો કે EVM-VVPAT માં ખામી સર્જાતા મતદાન બંધ કરવાની ફરજ પડી હતી.