તમારા કામનુ / Gujarat Bharti 2025: નોકરી વાંચ્છુક ઉમેદવારો માટે જૉબની જોરદાર તક, જાણો પગારધોરણ

અમદાવાદમાં રહેતા ઉમેદવારો સામે સારા સમાચાર છે. અમદાવાદમાં જ નોકરી મેળવવા માટે અમદાવાદમાં આવેલ સિવિલ હોસ્પિટલ કેમ્પસ, અસારવામાં આવેલ કિડની હોસ્પિટલમાં બાયોમેડિકલ એન્જિનીયરની કુલ 5 જગ્યાઓ ભરવા માટે કિડની હોસ્પિટલ દ્વારા ભરતી પ્રક્રિયા હાથ ધરવામાં આવી છે. ઉમેદવારો પાસેથી ઈ-મેઈલ મારફતે અરજીઓ મંગાવવામાં આવી છે.

અરજી કઈ તારીખ સુધી કરી શકશો

અમદાવાદમાં અસારવાર સિવિલ હોસ્પિટલ કેમ્પસમાં આવેલ કિડની હોસ્પિટલમાં બાયોમેડિકલ એન્જીનીયરની કુલ 5 જગ્યાઓ 11 માસના કરાર આધારિત માસિક ફિક્સ પગારથી હંગામી ધોરણે નિમણૂંક કરવાની છે. ઉમેદવારો તા. 22 સપ્ટેમ્બર 2025 થી 5 ઓક્ટોમ્બર 2025 સુધીમાં અરજી કરી શકશે.

શૈક્ષણિક લાયકાત

કિડની હોસ્પિટલમાં બાયોમેડિકલ એન્જિનીયરિંગમાં અરજી કરનાર ઉમેદવાર બાયોમેડિકલ એન્જનીયરિંગમાં ડિગ્રી કે ડિપ્લોમાની ડિગ્રી જરૂરી

અનુભવ

બાયોમેડિકલ એન્જીનીયરિંગમાં ડિગ્રી સિવાય 1 વર્ષનો અથવા બાયોમેડિકલ એન્જીનીયરીંગમાં ડિપ્લોમાની લાયકાત પછી 2 વર્ષનો હોસ્પિટલ ક્ષેત્રે ડાયાલીસીસ મશીન રિપેરીંગનો અથવા બાયોમેડિકલ ઈક્વીપમેન્ટનો અનુભવ ધરાવનારને અગ્રીમતા આપવામાં આવશે.

વય મર્યાદા

અરજી કરનાર ઉમેદવારની ઉંમર 18 વર્ષથી ઓછી તેમજ 40 વર્ષથી વધુ ન હોવી જોઈએ.

પગાર ધોરણ

બાયોમેડિકલ એન્જીનીંયરિંગમાં ડિપ્લોમાની 11 માસના કરાર આધારીત જગ્યા છે તેમજ દર મહિના ફીક્સ રૂા. 35000 પગાર મળવા પાત્ર

આ પણ વાંચોઃ જલ્દી કરો, રેલવેમાં ભરતી પડી છે, ધો. 10 પાસ ઉમેદવારો પણ સેટ થઇ જશે

અરજી કેવી રીતે કરવી?

• શૈક્ષણિક લાયકાત ધરાવતા ઈચ્છુક ઉમેદવારોએ તારીખ 22-9-2025થી 5-10-2025 સુધીમાં અરજી સંસ્થાના ઈમેઈલ આઈડી [email protected] પર જરૂરી લાયકાતના પ્રમાણપત્ર તથા ડોક્યુમેન્ટ સાથે મોકલવાની રહેશે.
• તમામ ઓરીજનલ ડોક્યુમેન્ટની સુવાચ્ય સ્કેન કોપી ફરજીયાત મેઈલ સાથે અપડોલ કરવાની રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ