આણંદ / સરકારી અનાજના જથ્થાને સગેવગે કરવાનું કૌભાંડ, SOG પોલીસે  205 કટ્ટા અનાજ ઝડપ્યું

• આણંદમાં સરકારી અનાજનું કૌભાંડ
• સરકારી અનાજ સગેવગે કરવાનું કૌભાંડ
• પોલીસે અનાજના 205 કટ્ટા કર્યાં જપ્ત

આણંદમાં સરકારી અનાજને સગેવગે કરવાનું કૌભાંડ ઝડપાયું છે. પોલીસે બાતમીના આધારે તપાસ હાથ ધરી હતી  તે દરમિયાન સરકારી અનાજનો મોટો જથ્થો બારોબાર સગેવગે કરવામાં આવતું હોવાનું સામે આવ્યું હતું. સરકારી અનાજના અંદાજીત 205થી વધુ કટ્ટા ખાનગી રાઈસ મીલમાં ઉતારવામાં આવી રહ્યા હતા તે સમયે SOG પોલીસે દરોડા પાડ્યા હતા. જેમાં અનાજ ઉતારતા સમયે જ ઝડપી પાડવામાં આવ્યું હતું. 

સરકારી અનાજ સગેવગે કરવાનું કૌભાંડ

મહત્વનું છે કે સસ્તા અનાજની દુકાનમાંથી જે રેશનકાર્ડ ધારકો માસીક અનાજ ખરીદતા ન હોય તેવા રેશનકાર્ડ ધારકોના નામે સંચાલકો ખોટા ઓનલાઈન બીલો બનાવી દેવામાં આવતા હોય છે. જેમાં રેશનકાર્ડ ધારકની જાણ બાહાર જ સમગ્ર માહિતી જેવી કે કાર્ડ ધારકનું નામ, સરનામું, રેશનકાર્ડ નંબર, આધારકાર્ટ નંબર, આગણાની છાપોનો ડેટા, ગેમસ્કેન, સેવડેટા જેવા સર્વર બેઈઝ સોફટવેર બનાવી તેમાં ડેટા કોપી રાખી બાદામાં તેનો ઉપયોગ કરવામાં આવતો હતો, અનાજ તેમજ રાશન ખરીદી કરેલ ન હોય તેવા રેશનકાર્ડ ધારકના નામના વેબસાઇટ ઉપર ખોટા બીલો બનાવી સરકારી રાશનને સગેવગે કરવાનું રાજ્યવ્યાપી કૌભાંડ ચાલતું હતું જેનો પર્દાફાશ થયો છે.