- સોના-ચાંદીના ઘરેણાં ખરીદનારાઓ માટે સારાં સમાચાર
- બેતરફી બજારમાં વેચવાલી જોવા મળી શકે છે
- ચાંદીમાં મોટી અને ઝડપી વેચવાલી આવી શકે
આ સપ્તાહના મહત્ત્વના યોગો
આ સપ્તાહના મહત્ત્વના યોગોમાં શુક્ર અને રાહુનો કેન્દ્ર યોગ થાય છે અને બુધ અને નેપ્ચૂનનું ક્રાંતિ સામ્ય થાય છે. આ સપ્તાહમાં બુધ સૂર્યથી અતિ નજીક છે અને ચંદ્ર પૃથ્વીથી અતિ નજીક છે. આ સપ્તાહમાં સૂર્ય મકર રાશિમાં પ્રવેશ કરશે. ગુરુ અને શનિ પોતાની સ્વરાશિમાં ભ્રમણ કરે છે.
શેરબજાર
આ સપ્તાહના ગ્રહયોગોનો અભ્યાસ કરતાં શેરબજારમાં સપ્તાહના શરૂઆતના દિવસે બજાર નરમ ખૂલી શકે છે અને બેતરફી વધઘટ બતાવી શકે છે. પણ બજારમાં સપ્તાહની શરૂઆતના દિવસથી વેચવું હિતાવહ છે. આ સપ્તાહમાં દરેક ઉછાળે બજારમાં વેચીને વેપાર કરી શકાય. ગ્રહયોગો જોતાં આ દિવસોમાં બેન્ક, સ્ટીલ, મેટલ, રિલાયન્સ, ઓટો સેકટરમાં વધઘટ વધુ આવી શકે છે. આ સપ્તાહમાં ચાલુ બજારમાં વેચવાલી આવે તેવા યોગો છે. આ દિવસોમાં એકાદ દિવસ ઝડપી વેચવાલી આવી શકે છે. સપ્તાહના અંતિમ દિવસોમાં પણ બજારમાં નરમ ધ્યાન રાખીને વેપાર કરવો. સપ્તાહના અંતિમ દિવસે બજારમાં વેચવાલી આવી શકે છે. ફેબ્રુઆરી માસના અંતિમ સપ્તાહમાં શેરબજારમાં મોટી અને ઝડપી ગભરાટભરી વેચવાલી આવે તેવા યોગો હોવાથી નિફટી વેચીને અથવા નિફટી પુટ લઇને વેપાર ગોઠવવાથી સારો લાભ મેળવી શકાય.
સોના-ચાંદી
આ સપ્તાહના ગ્રહયોગો જોતાં સોના-ચાંદીમાં વેચવાલી આવે તેવા યોગો હોવાથી વેચીને વેપાર કરનારને લાભ મળી શકે છે. આ સપ્તાહની શરૂઆતના દિવસથી સોના-ચાંદી બજારમાં વેચીને વેપાર કરતા જવો. દરેક ભાવે વેચી શકાય તેવી રીતે વેપાર કરવો. આ દિવસોમાં ચાંદીમાં મોટી અને ઝડપી વેચવાલી આવી શકે એવા યોગો હોવાથી ચાંદીમાં વેચાણ કરવું વધુ હિતાવહ છે. સપ્તાહના મધ્યના દિવસોમાં ચાંદીમાં સારા નરમ ભાવ બતાવી શકે છે અને સપ્તાહના અંતિમ દિવસોમાં સોના અને ચાંદી બજાર બેતરફી વધઘટ બતાવી શકે છે. પણ ધ્યાન નરમ રાખીનેે વેપાર કરવો. ફોરેન બજારમાં વેચવાલી આવતાં સ્થાનિક બજારમાં પણ નરમ ભાવ જોવા મળે.
ક્રૂડ ઓઇલ
મિત્રો, આ સપ્તાહમાં ક્રૂડ ઓઇલમાં મજબૂતી તરફી ચાલ બતાવે તેવા યોગો હોવાથી ક્રૂડ ઓઇલમાં સ્ટોક કરતાં જવો લાભદાયી રહે. આ સપ્તાહની શરૂઆતના દિવસથી જ ક્રૂડ ઓઇલમાં સ્ટોક કરવો હિતાવહ છે. સપ્તાહની શરૂઆતના દિવસથી બજારમાં દરેક ભાવે સ્ટોક કરી શકાય તેવી રીતે વેપાર ગોઠવવો લાભદાયી રહે. સપ્તાહના મધ્યના દિવસો સુધી સ્ટોક વધારી શકો છો. સપ્તાહના મધ્યના દિવસોમાં એકાદ દિવસ સાંકડી વધઘટ અથવા સામાન્ય નરમ બજાર જોવા મળી શકે છે. પણ ધ્યાન મજબૂત રાખીને વેપાર કરવો. સપ્તાહના અંતિમ દિવસોમાં પણ બજારમાં નવી માગ નીકળતાં મજબૂત બજાર રહી શકે છે. ફોરેન માર્કેટમાં બજારમાં સારા તેજીનો ઉછાળો આવતાં સ્થાનિક બજારમાં પણ મજબૂત ભાવ રહે. ફોરેન બજારની નવી ખરીદી નીકળતાં બજારમાં મજબૂત ભાવ જોવા મળી શકે છે.
એરંડા, તેલ, તેલીબિયાં
આ સપ્તાહમાં સિંગતેલ, એરંડા, દિવેલ, કપાસિયા, તેલ, તેલીબિયાંમાં મજબૂત ભાવ રહે તેવા યોગ છે. સપ્તાહની શરૂઆતના દિવસથી બજારમાં નવી પૂછપરછ નીકળી શકે છે. આ સપ્તાહમાં તેલ, તેલીબિયાંમાં શરૂઆતના દિવસથી જ તેજી ધ્યાન રાખીને વેપાર કરતા જવો લાભદાયી રહી શકે છે. સપ્તાહની શરૂઆતના દિવસથી દરેક ભાવે સ્ટોક કરી શકીએ એવી રીતે વેપાર કરવો. સપ્તાહના મધ્યના દિવસો સુધી સ્ટોક વધારી શકાય. નફો બુક વેપારના પ્રમાણમાં કરવો. પણ મંદીનો વેપાર કરવો નહીં. સપ્તાહના અંતિમ દિવસોમાં પણ તેલ, તેલીબિયાં, એરંડામાં મજબૂતીના જ યોગો હોવાથી સ્ટોક કરીને જ વેપાર કરવો લાભદાયી રહી શકે. આ સપ્તાહમાં સિંગતેલ, એરંડા, તેલ, તેલીબિયાંમાં ભાવમાં મજબૂતી જોવા મળી શકે છે.
કપાસ-કોટનઃ
આ સપ્તાહની શરૂઆતમાં કોટન અને કપાસમાં તેજી તરફી ચાલ બતાવી શકે તેવા યોગો હોવાથી સપ્તાહની શરૂઆતના દિવસોથી જ કોટન-કપાસમાં સ્ટોક કરીને વેપાર કરવો લાભદાયી રહે. દરેક ભાવે સ્ટોક કરી શકીએ એવી રીતે સ્ટોક કરવો. આ દિવસોમાં એકાદ દિવસ નવી માગ નીકળતાં બજારમાં તેજી તરફી ઉછાળો જોવા મળી શકે છે. સપ્તાહના અંતિમ દિવસોમાં પણ બજારમાં મજબૂતીના જ યોગો છે. માટે આ ભાવમાં મંદીનો વેપાર કરવો નહીં. એકંદરે આ સપ્તાહમાં કોટન-કપાસમાં તેજીના યોગો હોવાથી બજારમાં મજબૂતી જોવા મળી શકે છે. લાંબા સમય માટે સ્ટોક કરવો હોય તો આ સમયમાં કરી શકાય.
આલેખનઃ વિનોદ રાવલ, ગ્રહ સંકેત
