માઇક્રો બ્લોગિંગ પ્લેટફોર્મ ટ્વિટર લોકોના વિચારો રજુ કરવાનું એક શક્તિશાળી માધ્યમ બની ગયું છે. પછી ભલે તે કોઈ સામાન્ય વ્યક્તિ હોય કે સૌથી તાકતવર મનાતા અમેરિકાના પ્રમુખ, આ પ્લેટફોર્મ દરેક માટે ઉપલબ્ધ છે. જો કે ટ્વિટરે કહે છે કે વૈશ્વિક નેતાઓ તેની નીતિઓથી ઉપર નથી.
વિવાદીત ટ્વીટને લાઇક કે શેર કરવા પર પ્રતિબંધ મુકવામાં આવ્યો
ટ્વીટર દ્વારા વાંધાજનક કન્ટેન્ટ માટે દુનિયાભરમાં દરરોજ સેંકડો એકાઉન્ટ બ્લોક કરાય છે
ટ્વિટર પર ડોનાલ્ડ ટ્રમ્પના વિવાદિત ટ્વિટ સામે પગલાં લેવાનું દબાણ
તેથી નિયમોનું ઉલ્લંઘન કરનારા નેતાઓના ટ્વીટને લાઇક કે શેર કરવા પર પ્રતિબંધ મુકવામાં આવ્યો છે. જો કે ટ્વિટરે એવી સ્પષ્ટતા કરી નથી નિયમોનું ઉલ્લંઘન કરવા બદલ અમેરિકાના પ્રમુખ ડોનાલ્ડ ટ્રમ્પ જેવા વૈશ્વિક નેતાઓના ટ્વિટર એકાઉન્ટ પર પ્રતિબંધ મૂકશે કે કેમ? ટ્વિટરના આ નિવેદનથી એટલું તો જોકે સમજી શકાય છે કે ટ્રમ્પ જેવા વૈશ્વિક નેતાઓ પ્રત્યે કુણું વલણ રાકવાનું ચાલું રાખશે અને તેમના એકાઉન્ટ બ્લોક કરવાની હિંમત નહીં બતાવે.
બીજી બાજુ સામાન્ય વ્યકિતના એકાઉન્ટ સામે તરત જ પગલા ભરવામાં આવે છે. ટ્વીટર દ્વારા વાંધાજનક કન્ટેન્ટ માટે દુનિયાભરમાં દરરોજ સેંકડો એકાઉન્ટ બ્લોક કરી દેવામાં આવે છે. ટ્વીટરે એક બ્લોગ પોસ્ટમાં કહ્યું, 'અમે વૈશ્વિક નેતાઓની આવી પોસ્ટને લાઇક, શેર અથવા રીટ્વિટ કરવાની મંજૂરી આપીશું નહીં. સામાન્ય રીતે વિવાદિત ટ્વીટ્ ટ્વિટર પરથી ડિલીટ કરી નાખવામાં આવે છે.
ટ્વિટરનું નિવેદન એવા સમયે સામે આવ્યું છે જ્યારે તેના પર ડોનાલ્ડ ટ્રમ્પના વિવાદિત ટ્વિટ સામે પગલાં લેવાનું દબાણ છે. પરંતુ ટવીટરના સંચાલકો ટ્રમ્પ વિરુદ્ધ કાર્યવાહી કરતા ખચકાય છે કે ડરે છે. આમ પણ ટવીટર પર પક્ષપાત રાખવાના આક્ષેપો થતાં રહે છે. તાજેતરમાં અમેરિકન સાંસદ કમલા હેરિસે ટ્વિટરને ટ્રમ્પનું એકાઉન્ટ બંધ કરવા કહ્યું હતું. ટ્રમ્પ વારંવાર તેમના રાજકીય વિરોધીઓ પર હુમલો કરવા માટે ટ્વિટરનો ઉપયોગ કરે છે.