VIDEO / શરમજનક: જામનગરમાં હાથરસ જેવી ઘટના સામે આવી, 4 નરાધમોએ સગીરા સાથે દુષ્કર્મ આચર્યુ

• ગુજરાતમાં મહિલા અત્યાચારની વધુ એક ઘટના
• જામનગરમાં સગીરા પર સામૂહિક દુષ્કર્મ
• જામનગરમાં 4 નરાધમોએ આચર્યુ દુષ્કર્મ

જામનગરમાં 4 નરાધમ શખ્સોનું કૃત્ય સામે આવે છે. ચારેય શખ્સોએ ઘેનની ટિકડીઓ ખવડાવીને સગીરા પર જઘન્ય કૃત્ય આચર્યુ હતુ. માસૂમ સગીરા હાલ હોસ્પિટલાઈઝડ છે. પોલીસે આરોપીઓને દબોચી લેવા શોધખોળ હાથ ધરી છે. LCB, SOG અને સીટી સી-ડિવિઝન પોલીસ કામે લાગી છે. 

ગુજરાતમાં સગીરાઓ અને મહિલાઓ પર દુષ્કર્મની ઘટનાઓમાં વધારો થઇ રહ્યો છે. ત્યારે ગુજરાતમાં મહિલા અત્યાચારની વધુ એક ઘટના સામે આવી છે. જામનગરમાં સગીરા પર સામૂહિક દુષ્કર્મની ઘટના બની છે. જામનગરમાં 4 નરાધમોએ સગીરા પર દુષ્કર્મ આચર્યું છે. આ ચારેય વ્યક્તિઓએ સગીરાને ઘેનની ગોળીઓ ખવડાવીને દુષ્કર્મ આચર્યું છે

પોલીસે મિલન, દર્શન અને દેવકરણ નામના ત્રણ આરોપીની ધરપકડ કરી છે .જ્યારે એક મોહિત નામનો આરોપી હજુ પણ ફરાર છે. જે આરોપીને પકડવા પોલીસ એક્શનમાં આવી ગઇ છે. જ્યારે સગીરા હાલ હોસ્પિટલમાં સારવાર હેઠળ છે. અને મેડિકલ ચેકઅપ ચાલી રહ્યું છે .28 તારીખે દુષ્કર્મની ઘટના સામે આવી હતી.