મધ્યપ્રદેશ / પૂર્વ મુખ્યમંત્રી અને ભાજપના નેતા બાબુલાલ ગોરનું નિધન

બાબૂલાલ ગોરનું નિધન પર ભાજપના પ્રદેશ અધ્યક્ષ રાકેશ સિંહે દુઃખ વ્યક્ત કર્યું. રાકેશ સિંહે કહ્યું આ કહેતા દુઃખ થાય છે કે અમારા માર્ગદર્શક ભાજપના વરિષ્ઠ નેતા તેમજ મધ્ય પ્રદેશના પૂર્વ મુખ્યમંત્રી બાબુલાલ ગોરનું નિધન થયું છે. તેઓએ પ્રદેશમાં સંગઠનને મજબૂત બનાવવા મહત્વપૂર્ણ ભૂમિકા નિભાવી હતી. 

ઉલ્લેખનીય છે કે 7 ઓગસ્ટથી પૂર્વ મુખ્યમંત્રી બાબુલાલ ગોરની તબિયત અચાનક બગડી ગઇ હતી. ત્યારબાદ તેમને ભોપાલની એક કાનગી હોસ્પિટલમાં દાખલ કર્યા હતા. 89 વર્ષના બાબૂલાલ ગોરના ફેફસામાં ઇન્ફેકશન થયું હતું.

હોસ્પિટલમાં દાખલ કરાયા બાદ પાર્ટીના ઘણા નેતાઓ તેમના ખબર અંતર પૂછવા આવ્યાં હતા. મુખ્યમંત્રી કમલનાથે પણ ટવિટ કરી તેમના સારા સ્વાસ્થ્યની પ્રાર્થના કરી હતી. જ્યારે મધ્યપ્રદેશના પૂર્વ મુખ્યમંત્રી અને ભાજપના વરિષ્ઠ નેતા શિવરાજ સિંહ ચૌહાણે પણ ટવિટ કરી બાબૂલાલ ગોરની તબિયત જલ્દી સારી થાય તેમ જણાવ્યું હતું. 
 

Madhya Pradesh's former CM and BJP leader, Babulal Gaur passed away at Narmada Hospital in Bhopal, this morning. pic.twitter.com/rwo1ufpfnq

— ANI (@ANI) August 21, 2019