હવામાન / હિમવર્ષા થશે? જુઓ ક્યાં, સાથે ગુજરાતમાં અંબાલાલની માવઠાની આગાહીએ વધારી ખેડૂતોની ચિંતા

ગુજરાતના હવામાનને લઈને હવામાન નિષ્ણાંત અંબાલાલ પટેલે આગાહી કરી છે કે રાજ્યમાં આવતા દિવસોમાં દિત્વાહ વાવાઝોડાની અસર જોવા મળશે. આ દરમિયાન ઉત્તર ગુજરાતમાં વાદળછાયું વાતાવરણ અને થોડા વરસાદી છાંટા થવાની શક્યતા છે.

ઉત્તર ગુજરાત અને કચ્છમાં ઠંડીનો ચમકારો

અંબાલાલ પટેલના જણાવ્યા પ્રમાણે ઉત્તર ગુજરાત અને કચ્છ સહિતના વિસ્તારોમાં ઠંડીમાં નોંધપાત્ર વધારો જોવા મળશે. નલીયામાં પણ ઠંડીનો પ્રભાવ રહેશે અને ઉત્તર પર્વતીય પ્રદેશોમાં હિમવર્ષા વધવાથી ઠંડીમાં વધુ તીવ્રતા અનુભવાશે.

ડિસેમ્બરના અંતમાં અને જાન્યુઆરીમાં ઠંડી

આગામી દિવસોમાં, ખાસ કરીને 18થી 24 ડિસેમ્બરના સમયગાળામાં, બંગાળના ઉપસાગરમાં હવામાનની હલચલ નોંધાઈ શકે છે. ગુજરાતના કેટલાક ભાગોમાં માવઠું પડી શકે છે, જે સાથે ડિસેમ્બરના અંતમાં હાડથી ઠંડી પણ પડવાની શક્યતા છે. જાન્યુઆરીના પ્રથમ બે સપ્તાહમાં રાજ્યમાં ઠંડી ચાલુ રહેશે. જેમાં લોકો કડાકાની ઠંડી માટે તૈયારી રાખવી જોઈએ.

આ પણ વાંચોઃ સત્તાધીશો હવે તો ઊંઘમાંથી જાગો! તંત્રના પાપે રાજ્યના આ જિલ્લામાં દર્દીઓનો રાફડો ફાટ્યો

સાવચેતી સૂચનાઓ

• ઠંડીના કારણે બાળકો, વયસ્કો અને વઘુ સંવેદનશીલ લોકો માટે ગરમ કપડાં પહેરવાનું મહત્વપૂર્ણ રહેશે.
• રાત્રિના સમયગાળામાં સાવધાની રાખવી અને ઠંડીમાં બહાર જવું ટાળવું.
• પશુપાલન અને ખેતીમાં ઠંડીને ધ્યાનમાં લઈને જરૂરી વ્યવસ્થા કરવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ