બનાસકાંઠા / દીકરીના લગ્ન પહેલાં પિતાનું અવસાન, હાઈવે ઉપર પશુ બચાવવા જતા રિક્ષા પલટી ગઈ

બનાસકાંઠા જિલ્લામાં ફરી એકવાર માર્ગ અકસ્માતે શોકની લાગણી ફેલાવી દીધી છે. થરા–રાધનપુર હાઇવે પર બનેલી આ ગમખ્વાર ઘટનામાં એક વ્યક્તિનું ઘટનાસ્થળે જ મોત નિપજ્યું હતું.

હાઇવે ઉપર પશુ બચાવવા જતા રિક્ષા પલટી ગઈ

મળતી માહિતી મુજબ, ઉદરગઢા તાલુકાના રહેવાસી વિરમ ઠાકોર પાટણથી ખરીદી કરીને પોતાના ગામ તરફ પરત ફરી રહ્યા હતા. આ દરમિયાન હાઇવે પર અચાનક એક પશુ આવી જતા તેને બચાવવાનો પ્રયાસ કરતાં તેમની રિક્ષા બેકાબૂ બની પલટી ગઈ હતી. અકસ્માત એટલો ગંભીર હતો કે વિરમ ઠાકોરનું સ્થળ પર જ મૃત્યુ થયું હતું.

દીકરીના લગ્ન પહેલા પિતાનું નિધન થતા પરિવારમાં શોક

આ દુર્ઘટનાએ પરિવારમાં શોકનું માહોલ સર્જી દીધો છે. સૌથી કરુણ વાત એ છે કે આવનારા 8 મેના રોજ તેમની દીકરીના લગ્ન નક્કી થયેલા હતા. લગ્નની ખુશીના માહોલ વચ્ચે અચાનક પિતાના નિધનથી પરિવાર પર દુઃખનો પહાડ તૂટી પડ્યો છે.

આ પણ વાંચોઃ ઉમરેઠ પેટા ચૂંટણી : 13 રાઉન્ડ પછી ભાજપ 20818 મતથી આગળ, કોંગ્રેસના ભૃગુરાજ સિંહ ચૌહાણને 31542 મત મળ્યા

અકસ્માત સર્જાતા સ્થાનિક તેમજ પોલીસ ઘટના સ્થળે પહોંચી

સ્થાનિક લોકો અને પોલીસ તંત્ર ઘટનાસ્થળે દોડી આવ્યા હતા અને આગળની કાર્યવાહી હાથ ધરવામાં આવી છે. આ ઘટનાએ ફરી એકવાર હાઇવે પર વાહન ચલાવતા સમયે સાવચેતી રાખવાની જરૂરિયાત ઉપર ભાર મૂક્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ