સ્પોર્ટ્સ / ભલે વાગ્યું, છતાંય કેચ ન છોડ્યો, સુદર્શને કર્યો જોરદાર કમાલ, જુઓ Video

વેસ્ટ ઈન્ડિઝ સામેની બીજી ટેસ્ટના બીજા દિવસે ભારતે પોતાનો દાવ 518 રન પર ડિક્લેર કરી દીધો છે. જેમાં સામે અત્યાર સુધી વેસ્ટ ઈન્ડિઝની 140 રન પર 4 વિકેટ પણ પડી ગઈ છે. પરંતુ આ દરમિયાન તેમની જ્યારે પહેલી વિકેટ પડી તેમાં સાઈ સુદર્શને આ આઉટ કરવામાં મુખ્ય ભૂમિકા ભજવી હતી. તેને વાગ્યું હોવા છતાં વેસ્ટ ઈન્ડિઝના ઓપનિંગ બેટ્સમેનને આઉટ કરવા માટે એક શાનદાર કેચ ઝડપ્યો હતો. આ કેચ જોઇને પ્રેક્ષકોથી દર્શકો સુધી દરેક સ્તબ્ધ થઇ ગયા હતા.

બીજી ટેસ્ટમાં શાનદાર બેટિંગ કરનારા સાઈ સુદર્શને ફિલ્ડિંગમાં પણ એક શાનદાર કેચ લપક્યો હતો. વેસ્ટ ઈન્ડિઝની ઇનિંગ્સની આઠમી ઓવરમાં જ્યારે રવીન્દ્ર જાડેજાની ઓવરના બીજા બોલ પર જોન કેમ્પબેલે એક પાવરફુલ સ્વીપ શોટ માર્યો હતો ત્યારે આ કમાલ થયો હતો.

આ બોલ શોર્ટ લેગ પર ઉભેલા સાઈ સુદર્શનના હાથ પર અને છાતી પર સીધો વાગ્યો હતો. તેમ છતાં તેને કેચ છોડ્યો નહતો. આથી કેમ્પબેલને આઉટ થઈને પેવેલિયન ભેગા થવું પડ્યું હતું. કેમ્પબેલ પણ આ કેચ જોઈ શોક્ડ થઇ ગયો હતો. કેમ્પબેલ 25 બોલમાં 10 રન બનાવીને આઉટ થયો હતો. સાઈ સુદર્શને પણ આ કેચના કારણે થયેલી ઇન્જરીના કારણે મેદાન છોડવું પડ્યું હતું. હાલમાં તેના આ શાનદાર કેચનો વીડિયો સોશિયલ મીડિયા પર ખુબ વાયરલ થઈ રહ્યો છે.

વધુ વાંચો : 'ભૂલ એની જ ગણાય...', યશસ્વી જયસ્વાલના રન આઉટ પર મચી બબાલ, આવ્યા ચોંકાવનારા નિવેદન

• ફર્સ્ટ ઇનિંગમાં શાનદાર બેટિંગ
  દિલ્હીમાં રમાઈ રહેલી બીજી ટેસ્ટ મેચની પહેલી ઇનિંગમાં સાઈ સુદર્શને બેટથી પણ શાનદાર પ્રદર્શન બતાવ્યું હતું. સુદર્શન માત્ર 13 રનથી પોતાની સદી ચૂકી ગયો હતો. પહેલી ઇનિંગમાં તેને165 બોલમાં 87 રન બનાવ્યા હતા. જેમાં 12 ચોગ્ગા ફટકાર્યા હતા. તે LBW  આઉટ થયો હતો. ટેસ્ટ કરિયરમાં સાઈ સુદર્શનની આ બીજી ફિફ્ટી હતી. તેને અત્યાર સુધીમાં પાંચ ટેસ્ટની આઠ ઇનિંગમાં 29.25 ની એવરેજથી 234 રન બનાવ્યા છે. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ