દુખદ / મશહૂર ગાયિકા આશા ભોસલેનું 92 વર્ષની વયે અવસાન, હાર્ટ એટેકને કારણે બ્રીચ કેન્ડી હોસ્પિટલમાં દાખલ હતા

Asha Bhosle Passes Away: સુપ્રસિદ્ધ ગાયિકા આશા ભોસલેએ આજે 92 વર્ષની ઉંમરે છેલ્લા શ્વાસ લીધા હતા. મળતી માહિતી મુજબ તેઓને 11 એપ્રિલે મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા હતા. જ્યાં તેમની તબિયત પર નજર રાખવામાં આવી રહી હતી. હોસ્પિટલના ડૉ. પ્રતીત સમદાનીએ પણ તેમની સારવાર ચાલી રહી હોવાની પુષ્ટિ કરી હતી.

પરિવાર તરફથી મળેલી માહિતી અનુસાર આશા ભોંસલેને છાતીમાં ચેપ અને વધુ થાકને કારણે તબિયત ખરાબ હતી અને તેમને હોસ્પિટલમાં એડમિત કરવામાં આવ્યા હતા. સારવાર દરમિયાન તેમની સ્થિતિ ગંભીર બની ગઈ હતી અને અંતે તેમણે અંતિમ શ્વાસ લીધા. તેમની અવસાનથી સંગીત જગતમાં એક યુગનો અંત આવ્યો છે અને તેમના અવિસ્મરણીય અવાજને ચાહકો હંમેશા યાદ રાખશે.

આશા ભોસલેએ પોતાના ગાયન કારકિર્દીની શરૂઆત 1940ના દાયકામાં કરી હતી અને ધીમે ધીમે તેઓ બોલીવુડમાં પોતાની ઓળખ બનાવવા લાગી હતી. તેમણે બિમલ રોય અને રાજ કપૂર જેવા દિગ્ગજ દિગ્દર્શકો સાથે તેમજ ઓ.પી. નૈયર, સજ્જાદ હુસૈન, સરદાર મલિક, એસ. મોહિન્દર અને એ.આર. રહેમાન જેવા જાણીતા સંગીતકારો સાથે કામ કર્યું હતું. મંગેશકર પરિવારમાંથી આવતી આશા, તેમની મોટી બહેન લતા મંગેશકર જેવો જ મધુર અવાજ ધરાવતી હતી. શરૂઆતના સમયમાં તેમણે નાના બજેટની ફિલ્મોમાં ગાયન કરીને પોતાનું સ્થાન બનાવ્યું અને 1952માં આવેલી ફિલ્મ *સંગદિલ*ના ગીતો દ્વારા તેમને વિશેષ ઓળખ મળી.

આ પણ વાંચો: ઇશા સિંહએ આ પોપ્યુલરએ આ એક્ટર સાથે કરી સગાઇ? રિંગ પોસ્ટ બાદ ફેન્સ આપી રહ્યા છે શુભેચ્છા

તેમની કારકિર્દી વધુ મજબૂત બનતી ગઈ જ્યારે બિમલ રોયે 1953ની ફિલ્મ *પરિણીતા* માટે તેમને પસંદ કર્યા અને રાજ કપૂરે 1954ની ફિલ્મ *બૂટ પોલિશ*માં અવાજ આપવાની તક આપી. 1952 થી 1956 દરમિયાન ઓ.પી. નૈયર સાથેના તેમના સહકારથી અનેક યાદગાર ગીતો સર્જાયા. તેમ છતાં, 1957માં આવેલી બી.આર. ચોપરાની ફિલ્મ *નયા દૌર*એ આશા ભોંસલેએ સાચી લોકપ્રિયતા અપાવી. આ ફિલ્મના સંગીતે તેમને બોલીવુડમાં મજબૂત સ્થાન અપાવ્યું અને તેમની ગાયકીનો જાદુ દેશભરમાં છવાઈ ગયો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ