મનોરંજન / વાયરલ ગર્લ મોનાલિસાને આવી એવી ઑફર, જેની માટે ટોપ હિરોઇનોની લાઇન લાગતી!

મહાકુંભથી દેશભરમાં ઓળખાણ બનાવનાર મોનાલિસાને હવે કોઈ ઓળખની જરૂર નથી રહી. વર્ષ 2025 મોનાલિસા માટે અત્યંત ખાસ સાબિત થયું છે. મહાકુંભમાં માળા વેચતી મોનાલિસા હવે અભિનેત્રી બનવાની સફરમાં આગળ વધી રહી છે.

મોનાલિસાને ‘મણિપુર ડાયરી’ ફિલ્મ માટે પહેલેથી જ ઓફર મળી હતી. ઉપરાંત તેણે અનેક બ્રાન્ડ શૂટ માટે પણ ઑફર્સ મળી છે. હવે તેમના ચાહકો માટે વધુ એક સારી ન્યુઝ સામે આવી છે. ખબર મળી રહી છે કે મોનાલિસાને સાઉથ ફિલ્મ ઈન્ડસ્ટ્રીમાં કામ કરવાની તક મળી છે. જેમાં કામ કરવા માટે ટોપ અભિનેત્રીઓ પણ આતુર રહે છે એ ફિલ્મમાં હવે મોનાલિસા કામ કરશે. ચાલો જાણીએ આ વાયરલ ગર્લ હવે કઈ ફિલ્માં જોવા મળશે?

સાઉથ ફિલ્મમાં કરશે ડેબ્યૂ

મહાકુંભ 2025માં માળા વેચતી મોનાલિસાનું ભાગ્ય એકદમ બદલાઈ ગયું છે. જ્યાં પહેલા તે માળા વેચતી હતી, ત્યાં હવે સોશિયલ મીડિયામાં એક્ટિવ રહી વીડિયો બનાવે છે અને સાથે-સાથે અભિનય પણ શીખી રહી છે. મોનાલિસાને નિર્દેશક સનોજ મિશ્રાએ બોલીવુડ ફિલ્મ માટે સાઇન કરી હતી, પરંતુ તેના શૂટિંગ અંગે હજી સુધી કોઈ માહિતી સામે આવી નથી.

જણાવી દઈએ કે બોલીવુડ ફિલ્મ સિવાય હવે મોનાલિસાને સાઉથ ઈન્ડસ્ટ્રીમાંથી પણ ઑફર્સ મળી રહી છે. માહિતી મુજબ મોનાલિસા હવે મલયાલમ ફિલ્મ ઈન્ડસ્ટ્રીમાં એન્ટ્રી કરવા જઈ રહી છે. આ વાતની પુષ્ટિ મોનાલિસાએ પોતે કરી છે. તેણે કેટલાક વીડિયો પણ શેર કર્યા છે.

મોનાલિસાને મળી મોટી ઑફર

મોનાલિસા જે સાઉથ ફિલ્મ સાથે ડેબ્યૂ કરવા જઈ રહી છે તેનું નામ છે ‘નાગમ્મા’. આ ફિલ્મમાં મુખ્ય અભિનેતા તરીકે કૈલાશ જોવા મળશે, જ્યારે આ ફિલ્મનું દિગ્દર્શન પી બીનૂ વર્ગીસ કરી રહ્યા છે. પોતાના વીડિયોમાં મોનાલિસાએ જણાવ્યું કે આ ફિલ્મનું શૂટિંગ આ જ વર્ષે સપ્ટેમ્બર મહિનામાં શરૂ થશે.

વધુ વાંચો: લાખો યુવતીઓ જેના પર મરે છે તેવા સિંગરને શ્વાસની ભયાનક બિમારી, શ્વાસ થઇ જાય છે બંધ

આ ફિલ્મના નિર્માતા સી.બી. મલયીલ છે. મોનાલિસા માટે આ ઓફર તેની કારકિર્દીનો એક મોટો વળાંક સાબિત થઈ શકે છે. મોનાલિસા માટે આ ફિલ્મ કરવી ખૂબ મોટી વાત છે. હવે જોવું રહ્યું કે પોતાની જાદુઈ આંખોથી લોકોને દીવાના બનાવી દેતી મોનાલિસા શું હવે પોતાની અભિનય કળાથી પણ ચાહકોને મંત્રમુગ્ધ કરી શકશે?

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ