બિઝનેસ / એલોન મસ્કે OpenAI અને Microsoft પર ઠોકયો મોટો દાવો, 11,00,000 કરોડ રૂપિયાના વળતરની માંગ

ટેસ્લા અને X ના માલિક એલોન મસ્કે OpenAI અને Microsoft સામે મોટો દાવો દાખલ કર્યો છે. જેમાં મસ્કનો આરોપ છે કે, OpenAI એ તેના નોન પ્રોફિટ હેતુથી ભટકીને Microsoft સાથે નફો કર્યો છે અને તેમને છેતર્યા છે. તેના આધારે મસ્કે 79 બિલિયનથી 134 બિલિયન ડોલર (આશરે 11 લાખ કરોડ રૂપિયા) સુધીના નુકસાનની માંગણી કરી છે. આ કેસ હવે જ્યુરી ટ્રાયલમાં ગયો છે.

• મસ્ક-OpenAI વચ્ચે વિવાદ કેવી શરૂ થયો
  એલોન મસ્કે 2015 માં OpenAI ની સહ-સ્થાપના કરી હતી અને તે સમયે આશરે 38 મિલિયન ડોલરનું યોગદાન આપ્યું હતું. તેમનો દાવો છે કે એક નોન પ્રોફિટ સંસ્થા તરીકે OpenAIએ માનવતાના હિત માટે AI નો ઉપયોગ કરવાનો હતો.  પરંતુ કંપનીએ પાછળથી Microsoft સાથે પાર્ટનરશીપ કરી અને નફા તરફ આગળ વધ્યું હતું. મસ્કનું કહેવું છે કે આ એક વિશ્વાસઘાત છે અને OpenAI તેના મુખ્ય સિદ્ધાંતોથી ભટકી ગયું છે.
  

કોર્ટમાં રજુ કરેલા ડોક્યુમેન્ટ અનુસાર, ફાયનાન્શીયલ એક્સપર્ટ C. Paul Wazzanને નુકસાનનો અંદાજ લગાવ્યો હતો. રિપોર્ટમાં કહેવાયું છે કે OpenAI નું વર્તમાન વેલ્યુ આશરે 500 બિલિયન ડોલર છે. જેમાંથી મસ્કને હિસ્સો મળવો જોઈએ. આ ગણતરીઓમાં મસ્કના યોગદાન સિવાય તેમની ટેક્નિકલ અને પ્રોફેશનલ સલાહનો પણ સમાવેશ થાય છે. OpenAI માટે 65 થી 109 બિલિયન ડોલર અને Microsoft માટે 13 થી 25 બિલિયન ડોલર સુધીના દાવો કરાયો છે.

• OpenAI નો જવાબ
  એવામાં OpenAI એ મસ્કના આરોપોને સંપૂર્ણ રીતે બેઝલેસ ગણાવ્યા છે. OpenAIનું કહેવું છે કે મસ્કનો કેસ માત્ર પરેશાન કરવાની વ્યૂહરચનાનો એક ભાગ છે. OpenAI એ એવો પણ દાવો છે કે મસ્ક કંપની પર સંપૂર્ણ કંટ્રોલ કરવા માંગતા હતા જે શક્ય નહતું. કંપનીના જણાવ્યા અનુસાર મસ્ક OpenAI ને ટેસ્લા સાથે મર્જ કરવા માંગતા હતા. જેના લીધે તેમને 2018 માં બોર્ડ છોડી દીધું હતું.
  

વધુ વાંચો : ભારત-અમેરિકા ટ્રેડ ડીલ હવે ફાઇનલ સ્ટેજમાં! ટૂંક સમયમાં થઇ શકે છે મોટું એલાન

ઉલ્લેખનીય છે કે, વર્ષ 2022 માં ChatGPT ના લોન્ચ સાથે મસ્ક OpenAI ના સૌથી મોટા આલોચક બની ગયા હતા. તેમને OpenAIને ક્લોઝ સોર્સ, મેક્સિમમ પ્રોફિટ બનાવતી કંપની પણ કહી દીધી હતી. આ દરમિયાન OpenAI એ પોતાને પબ્લિક બેનિફિટ કોર્પોરેશનમાં રૂપાંતરિત કરીને Microsoft ને 27 ટકા હિસ્સો આપ્યો હતો. હવે આ કેસ જેમ જેમ આગળ વધશે તેમ તેમ AI ઇન્ડસ્ટ્રીમાં આ કાનૂની લડાઈ લોકોનું વધુ ધ્યાન ખેંચશે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ