VIDEO / વડોદરાના કારેલીબાગ વિસ્તારમાં પોલીસ પર હુમલો, એલઆરડી જવાન સહિત બે કર્મી ઈજાગ્રસ્ત

વડોદરા શહેરના કારેલીબાગ વિસ્તારમાં પોલીસ કર્મચારીઓ પર હુમલાની ઘટના સામે આવી છે. 112 જનરક્ષકને મળેલી માહિતીના આધારે પોલીસ ટીમ ઘટના સ્થળે પહોંચી હતી, પરંતુ ત્યાં પહોંચતા જ કેટલાક લોકો સાથે પોલીસની મારામારી થઈ હતી.

પ્રાપ્ત માહિતી મુજબ, એક પતિ-પત્ની નશાની હાલતમાં ઝઘડો કરી રહ્યા હતા. આ અંગે જાણ થતાં 112 જનરક્ષક ટીમ ઘટના સ્થળે પહોંચી હતી. પોલીસ પહોંચતા જ પરિસ્થિતિ વધુ તંગ બની ગઈ અને ઝઘડામાં સામેલ લોકોએ પોલીસ પર પથ્થરમારો કર્યો હતો.

View this post on Instagram

A post shared by Sambhaav Nascent LLP (@vtv_gujarati_news)

પોલીસ પર પથ્થર વડે હુમલો કરવામાં આવ્યો

આ હુમલામાં એલઆરડી જવાન દીપક ચૌહાણને ઈજા પહોંચી હતી, જ્યારે જનરક્ષક વાહનના ડ્રાઈવર પરેશ પરમાર પણ હુમલામાં ઈજાગ્રસ્ત થયા હતા. બંનેને સારવાર માટે હોસ્પિટલ ખસેડવામાં આવ્યા હોવાનું જાણવા મળ્યું છે.

આ પણ વાંચોઃ હિંમતનગરમાં કૌટુંબિક ઝઘડાએ લીધો ખૂની વળાંક, એકની હત્યા, એક ગંભીર

ઝઘડી રહેલા પતિ પત્ની એ પોલીસ પર હુમલો કર્યો

ઘટના બાદ પોલીસે સ્થિતિ કાબૂમાં લઈને વધુ તપાસ હાથ ધરી છે. પ્રાથમિક માહિતી મુજબ પતિ-પત્ની નશાની હાલતમાં હતા અને પોલીસને શાંતિ સ્થાપવા પહોંચતા તેઓએ જ પોલીસ પર હુમલો કર્યો હોવાનું સામે આવ્યું છે. પોલીસ દ્વારા હુમલાખોરો સામે કાયદેસરની કાર્યવાહી કરવાની પ્રક્રિયા શરૂ કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ 1