Coronavirus / DRDO ચીફે કહ્યું, અમારા વૈજ્ઞાનિકોએ બનાવ્યું એવું વેન્ટિલેટર, 4થી 8 લોકો કરી શકશે ઉપયોગ

• ડીઆરડીઓએ 10-15 દિવસમાં 20,000 સેનેટાઇઝરની બોટલ, 35,000 જેટલા માસ્ક બનાવ્યા
• બે મહીનામાં 30,000 વેન્ટિલેટર બનાવીશું, દરેકની કિંમત 4 લાખ જેટલી આવશે : DRDO

આજથી ઉત્પાદન શરૂ થઇ ગયું છે અને 10થી 20 લાખનું લક્ષ્ય રાખ્યું છે. તેઓએ કહ્યું કે સૌથી મહત્વપૂર્ણ કાચા માલની ઉપલબ્ધતા છે. કાચો માલ ઉપલબ્ધ હોવો જરૂરી છે. તેઓેએ જણાવ્યું કે એક સપ્તાહમાં વેન્ટિલેટરની પુરા પાડવાનું શરૂ થઇ જશે. 

સતીશ રેડ્ડીએ કહ્યું કે વેન્ટિલેટરના કેટલાક પાર્ટ્સને લઇને મુશ્કેલીઓ આવી રહી છે. બીઇએલ અને અન્ય તેનું વધારે ઉત્પાદન કરવા લાગશે. આવતા મહીનાની અંદર 10,000 વેન્ટિલેટર બનાવી લઇશું. મહિન્દ્રા અને અન્ય કંપનીઓને ટેક્નોલોજી આપીશું. તેઓએ જણાવ્યું કે ગત 4 દિવસોમાં અમારા વૈજ્ઞાનિકોએ એક વેન્ટિલેટર વિકસિત કર્યું છે, જેને 4થી 8 લોકો ઉપયોગ કરી શકે છે. બે મહીનામાં 30,000 વેન્ટિલેટર બનાવી લઇશું અને તેને ઉપલબ્ધ બનાવીશું.

ડીઆરડીઓ પ્રમુખે કહ્યું કે આઇઆઇટી (IIT) હૈદરાબાદે પણ તેના પર રિસર્ચ કર્યું છે, જો તે અલગથી સફળ રહ્યું તો 30,000 વેન્ટિલેટર બનાવી શકીશું. આ અનેસ્થેટિયા વેન્ટિલેટર છે. દરેકની કિંમત લગભગ 4 લાખ રૂપિયા આવશે. 

દેશમાં કોરોના વાયરસ ઝડપથી ફેલાઇ રહ્યો છે. ભારતમાં અત્યાર સુધીમાં કોરોના વાયરસના 873 મામલા સામે આવ્યા છે. ગત 24 કલાકમાં આ વાયરસના 149 નવા કેસ સામે આવ્યા છે. જ્યારે આ વાયરસથી અત્યાર સુધીમાં 19 લોકોના મોત થઇ ચૂક્યા છે.