બોલિવુડની એક્ટ્રેસ દિશા પટનીની વધુ એક ફિલ્મ 'કેટીના' ની શૂટિંગ 25 ઓક્ટોબરથી શરૂ થઇ રહ્યુ છે. ફિલ્મથી દિશાનો ફર્સ્ટ લૂક સોશ્યલ મીડિયા પર વાયરલ થઇ રહ્યો છે. જેમાં તે એકતા કપૂરની જેમ બ્રેસલેટ્સ અને વીંટીમાં જોવા મળી રહી છે. ઉલ્લેખનીય છે કે, આ ફિલ્મનું પ્રોડક્શન પણ એકતા કપૂર જ કરી રહી છે.
બોલિવુડ એક્ટ્રેસ દિશા પટનીનો લૂક સોશ્યલ મીડિયા પર વાયરલ
વાયરલ થયેલા ફોટોઝને જોઇને યૂઝર્સ કહી રહ્યા છે કે, શું આ એકતા કપૂરની બાયોપિક છે?
દિશાનો ફર્સ્ટ લૂક સોશ્યલ મીડિયા પર શૅર કરતા એકતા કપૂરે કહ્યુ કે, ‘કેટીના’ના બધાને જય માતાદી (તે પહેલાં ટીના હતી પરંતુ હવે કેટીના, કારણ કે તેના પર ‘કે’ સૂટ કરે છે, એવું તેને જ્યોતિષીએ કહ્યું છે) પરંતુ યાર આટલી બધી રિંગ્સ કોણ પહેરે છે? દિશા પટની આજ પહેલાં ક્યારેય આવી જોઈ નહીં હોય. મનપસંદ વાર્તા, શૂટિંગ શરૂ.''
ફર્સ્ટ લુક સામે આવ્યા બાદ સોશ્યલ મીડિયા પર યુઝર્સ સતત પ્રતિક્રિયા આપી રહ્યાં છે કે, ''આ ફિલ્મ એકતાની બાયોપિક તો નથી ને?''
નોંધનીય છે કે, આ ફિલ્મને લઇને બોલિવુડમાં ચર્ચા હતી કે આ ફિલ્મ રૉમ-કૉમ છે. જેમાં દિશા એક નાના શહેરની પજાંબી યુવતીનો રોલ પ્લે કરી રહી છે. હવે, ચર્ચા છે કે મહિલા કેન્દ્રિત ફિલ્મનું ડિરેક્શન આશિમા છિબ્બર કરે છે, ફિલ્મની વાર્તા રાજ શાંડિલ્યે લખી છે.