જીવલેણ હુમલો / દેશની રાજધાનીમાં ફરી એસિડ કાંડ! કોલેજિયન યુવતી પર ફેક્યો જ્વલનશીલ પદાર્થ, જીતેન્દ્ર અને તેના મિત્રોનું કારસ્તાન

ઉત્તર પશ્ચિમ દિલ્હીમાં લક્ષ્મીબાઈ કોલેજ નજીક દિલ્હી યુનિવર્સિટીના બીજા વર્ષની વિદ્યાર્થીની પર એસિડ હુમલો કરવામાં આવ્યો હતો . પોલીસના જણાવ્યા અનુસાર, પીડિતા કોલેજથી થોડે દૂર ચાલીને જઈ રહી હતી ત્યારે હુમલો થયો હતો. પીડિતા પોતાનો ચહેરો બચાવવામાં સફળ રહી હતી પરંતુ તેના હાથ પર દાઝી ગઈ હતી. નિવેદનના આધારે, પોલીસે કેસ નોંધીને કાર્યવાહી શરૂ કરી છે.

આ ઘટના સવારે 10 વાગ્યાની આસપાસ બની હતી,. છોકરી પર જ્વલનશીલ પદાર્થ ફેંકવામાં આવ્યો હતો. હુમલા પછી તરત જ,આસપાસના લોકો વિદ્યાર્થીનીની મદદે દોડી આવ્યા હતા. અને તેણીને તાત્કાલિક નજીકની હોસ્પિટલમાં લઈ જવામાં આવી. જ્યાં તેની સારવાર કરવામાં આવી હતી.

દિલ્હી પોલીસ દ્વારા જારી કરાયેલા એક નિવેદનમાં કહેવામાં આવ્યું છે કે મુકુંદપુરની એક 20 વર્ષીય યુવતી પર એસિડ હુમલો થયો છે. પીડિતાએ જણાવ્યું હતું કે તે બીજા વર્ષની વિદ્યાર્થીની હતી અને તેના વર્ગ માટે અશોક વિહારની લક્ષ્મીબાઈ કોલેજ જઈ રહી હતી. જ્યારે તે કોલેજ જઈ રહી હતી, ત્યારે મુકુંદપુરનો જિતેન્દ્ર નામનો એક પરિચિત તેના મિત્રો, ઇશાન અને અરમાન સાથે મોટરસાઇકલ પર આવ્યો.

આ પણ વાંચોઃ બાંગ્લાદેશની ફરી અવળચંડાઈ! પાક જનરલને ભેટ આપી તસવીર, જોઈ લોહી ઉકળી જશે

એવો આરોપ છે કે ઈશાને અરમાનને એક બોટલ આપી હતી, જેણે તેના પર એસિડ ફેંક્યો હતો. પીડિતાએ પોતાનો ચહેરો ઢાંકવાનો પ્રયાસ કર્યો હતો પરંતુ તેના બંને હાથ બળી ગયા હતા. આરોપી ઘટનાસ્થળેથી ભાગી ગયો હતો. પીડિતાના જણાવ્યા મુજબ, જીતેન્દ્ર તેનો પીછો કરતો હતો અને લગભગ એક મહિના પહેલા તેમની વચ્ચે ઉગ્ર દલીલ થઈ હતી. ક્રાઈમ સીન અને FSL ટીમે ક્રાઈમ સીનનું નિરીક્ષણ કર્યું હતું. પીડિતાના નિવેદન અને ઈજાઓના પ્રકારને આધારે, BNS ની સંબંધિત કલમો હેઠળ કેસ નોંધવામાં આવ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ