બોલીવુડ / સંરક્ષણમંત્રી રાજનાથ સિંહની કંગના રનૌત સાથે મુલાકાત; આ હતું મુલાકાત પાછળનું કારણ

ફિલ્મ તેજસમાં કંગના પાયલોટની ભૂમિકા નિભાવી રહી છે. આ ફિલ્મ સાચી ઘટનાઓ પર આધારિત છે તેથી ફિલ્મને રીલીઝ કરતા પહેલા ઘણી પ્રકારની મંજૂરીઓ લેવી પડે તેમ છે.

હવે આ સંબંધમાં કંગના દેશના સંરક્ષણ મંત્રી રાજનાથ સિંહને મળી છે. અભિનેત્રી તેની તેજસ ફિલ્મની ટીમ સાથે રાજનાથસિંહને મળવા પહોંચી હતી. સોશિયલ મીડિયા પર તેના ફોટા વાયરલ થયા છે.

Today team #Tejas met honourable defence minister Shri @rajnathsingh ji for his blessings, we shared the script of our film Tejas with @IAF_MCC as well and seeked few permissions, Jai Hind 🙏 pic.twitter.com/7eoVN1Lidj

— Kangana Ranaut (@KanganaTeam) December 13, 2020

આ તસવીરો શેર કરીને કંગના જણાવે છે કે તેણે રાજનાથ સિંહ પાસેથી આશીર્વાદ લીધા છે. તે લખે છે - તેજસ ફિલ્મની ટીમ સંરક્ષણ મંત્રી રાજનાથ સિંહને મળી. તેમના આશીર્વાદ લીધા.

કંગનાએ કહ્યું છે કે તેણે તેજસ ફિલ્મની સ્ક્રિપ્ટ ઇન્ડિયન એરફોર્સ સાથે શેર કરી હતી. તેણે શૂટિંગ પહેલા એકવાર આખી પટકથા એરફોર્સને બતાવી દીધી હતી. તેમના મતે આ ફિલ્મ રીલીઝ થતા પહેલા કેટલીક મહત્વપૂર્ણ મંજૂરીઓની જરૂર છે.

For all the brave hearted and strong headed women in Uniform who make sacrifices for our nation day in and day out .
Kangana to play an airforce pilot in her next , titled - TEJAS#KanganaRanaut @RonnieScrewvala #SarveshMewara @nonabains @rsvpmovies #Tejas pic.twitter.com/m4qHNJufAL

— Kangana Ranaut (@KanganaTeam) February 17, 2020

નોંધનીય છે કે 2016માં ભારતીય વાયુસેનાએ મહિલાઓને લડાઇની ભૂમિકામાં પણ સામેલ કરવાનો નિર્ણય કર્યો હતો. કંગનાની ફિલ્મ તેજસ આ જ ઐતિહાસિક ઘટનાથી પ્રેરાયેલી છે.

આ સાથે અભિનેત્રી તેની આવી રહેલી ફિલ્મ થલાઈવી માટે પણ ચર્ચામાં છે. આ ફિલ્મનું શૂટિંગ હાલમાં જ પૂર્ણ થયું છે અને આવતા વર્ષે ફિલ્મ રીલીઝ થવા જઈ રહી છે. 

And it’s a wrap, today we successfully completed the filming of our most ambitious project Thalaivi- the revolutionary leader, rarely an actor finds a character that comes alive in flesh and blood and I fall in love so hard but now suddenly it’s time to say bye,mixed feelings❤️ pic.twitter.com/0tmrQ2ml3m

— Kangana Ranaut (@KanganaTeam) December 12, 2020

થલાઈવીમાં કંગના રનૌત રાજકીય નેતા જયલલિતાની ભૂમિકા ભજવી રહી છે. આ ફિલ્મ માટે કંગનાએ ખૂબ મહેનત કરી છે. તેના લૂક્સથી બધા ચકિત થઇ ગયા છે. તેણે આ ફિલ્મ માટે ઘણું વજન પણ વધાર્યું છે.