OMG! / લ્યો બોલો, આ ભાઇ છેલ્લાં 45 વર્ષથી નાસ્તામાં પાપડની જેમ ખાય છે કાચનાં ટુકડાં

• છેલ્લાં 45 વર્ષથી કાચ ખાનાર અન્યને આપે છે કંઇક આવી સલાહ
• દયારામ જીવનમાં કંઇક નવું કરવા માંગતા હતાં

મધ્યપ્રદેશના ડિંડોરી જિલ્લાના દયારામ સાહુ (Dayaram Sahu) કે જે કાંચમાંથી બનેલી બોટલો, બલ્બ અને બીજી વસ્તુઓ ખૂબ જ આરામથી ખાઇ જાય છે. તેમની ટેવો જાણીને આપ અનેક વાર વિચારોમાં પડી જશો કે આખરે કોઇ વ્યક્તિ આવું કેવી રીતે કરી શકે? શું આ શક્ય છે. સામાન્ય રીતે આપણે સવારે નાસ્તામાં રોટલી કે ભાખરી ખાતા હોઇએ છીએ. પરંતુ ડિંડોરીનાં રહેવાસી દયારામ સાહુ દરરોજ સવારનાં નાસ્તામાં કાચનાં કટકા (Pieces of glass) ખાય છે.

#WATCH: Dayaram Sahu, a lawyer from Dindori has been eating glass since last 40-45 years, says,"it's an addiction for me. This habit has caused damage to my teeth. I wouldn't suggest others to follow as it's dangerous for health. I have reduced eating it now." #MadhyaPradesh pic.twitter.com/DRWXXb93qA

— ANI (@ANI) September 14, 2019

હકીકતમાં દયારામ સાહુ કાંચ ખાતા જોવા મળી રહ્યાં છે. આપને આ સાંભળીને થોડુંક અજીબ લાગશે પરંતુ આ હકીકત છે. થોડું વિચારો કે આખરે કોઇ કાંચ કેવી રીતે ખાઇ શકે. જો થોડોક કાંચ કદાચ વાગી જાય તો આપનાં મોમાંથી અચાનક ચીસ નીકળી જાય છે. પરંતુ આને કોઇ માનવી કેવી રીતે ખાઇ શકે. પરંતુ એ જોઇને તમે પણ આશ્ચર્યમાં મૂકાઇ જશો.

મધ્યપ્રદેશનાં રહેનારા દયારામ થોડાંક દિવસોથી નહીં પરંતુ છેલ્લાં 45 વર્ષોથી કાચ ખાઇ રહ્યાં છે અને તેઓ બિલકુલ સ્વસ્થ પણ છે. જો કે તેમની આ આદતને કારણથી તેમનાં દાંત જરૂર ખરાબ થઇ ગયા છે. દયારામ વ્યવસાયે વકીલ છે.

આ અંગે દયારામે જણાવ્યું કે,

'આ મારા માટે એક લતની જેમ છે.આ આદતે મારા દાંતોને નુકસાન પહોંચાડ્યું છે. હું જો કે બીજા લોકોને આવું કરવાની સલાહ નહીં આપું. કેમ કે આ સ્વાસ્થ્ય માટે ખતરનાક છે. મેં હવે આને ખાવાનું પણ ઓછું કરી દીધું છે. જો કે દયારામની આ આદત ખતરનાક તો છે પરંતુ પોતાની આ આદતને કારણ તેઓને લોકો વધારે ઓળખે પણ છે.'