OMG / ટીવીનાં અવાજનાં કારણે બાખડ્યા સાસુ વહુ! પુત્રવધૂએ 60 વર્ષની વૃદ્ધાની ત્રણ આંગળી કરડી ખાધી

• ટીવીનું વોલ્યુમ ઘટાડવાનું કહેવા પર વહુએ સાસુને પહોંચાડી ઈજા 
• વહુએ સાસુને ત્રણ આંગળીઓ પર ગંભીર ઈજા પહોંચાડી 
• થાણેની ઘટના 

ટીવીનું વોલ્યુમ ઘટાડવાનું કહેવા પર વહુએ સાસુને પહોંચાડી ઈજા

એક 60 વર્ષીય મહિલાને તેની પુત્રવધૂએ સોમવાર, 5 સપ્ટેમ્બરના રોજ રાત્રે ટેલિવિઝનના વોલ્યુમમાં વધારો કરવા બાબતે થયેલી લડાઈમાં કથિત રીતે જમણા હાથની ત્રણ આંગળીઓ પર બટકું ભર્યું હતું. અંબરનાથના શિવાજી નગર પોલીસ સ્ટેશને પુત્રવધૂ વિરુદ્ધ કેસ નોંધ્યો છે પરંતુ હજુ સુધી કોઈની ધરપકડ કરવામાં આવી નથી, એમ પોલીસ અધિકારીએ જણાવ્યું છે. 

આ વિચિત્ર ઘટના અંબરનાથ (પૂર્વ)ના વડવલી વિસ્તારમાં બની હતી. સોમવારે, જ્યારે સાસુ મંત્રોનો પાઠ કરી રહી હતી, ત્યારે તેમને તે કરવામાં મુશ્કેલી આવી રહી હતી કારણ કે તેમની પુત્રવધૂ જોરથી ટેલિવિઝન જોઈ રહી હતી. સાસુએ પુત્રવધૂને વોલ્યુમ ઓછું કરવા કહ્યું, પરંતુ તેણીએ ના પાડી, અને ગુસ્સે ભરાયેલા સાસુએ ટીવી બંધ કરી દીધું, અને સાસુ અને વહુ વચ્ચે ઝઘડો થયો. 

વહુએ સાસુને ત્રણ આંગળીઓ પર ગંભીર ઈજા પહોંચાડી ​​​​​​​

અંબરનાથ (પૂર્વ)ના શિવાજી નગર પોલીસ સ્ટેશનના વરિષ્ઠ પોલીસ નિરીક્ષક અશોક ભગતે જણાવ્યું હતું કે, “અમને અંબરનાથ વિસ્તારના શિવાજી નગરની 60 વર્ષીય મહિલાની ફરિયાદ મળી છે કે તેણીને તેની ત્રણ આંગળીઓમાં ઈજા પહોંચાડવામાં આવી છે. આરોપી જોરથી ટીવી જોતી હતી અને જ્યારે પીડિતાએ તેને વોલ્યુમ ઘટાડવા માટે કહ્યું, ત્યારે તેણીએ એમ કહીને દલીલ શરૂ કરી કે  તે વોલ્યુમ ઘટાડશે નહીં. પીડિતા પણ ગુસ્સે થઈ ગઈ અને તેણે કહ્યું કે તે તેના પતિનું ઘર છે અને તેની વહુનું નથી, અને તેણે ટીવી બંધ કરી દીધું. પુત્રવધૂએ ગુસ્સામાં સાસુના જમણા હાથની ત્રણ આંગળીઓ કાપી નાંખી, તેણીને ગંભીર ઈજાઓ પહોંચાડી. અમે સાસુને તબીબી સારવાર માટે મોકલી અને પુત્રવધૂ સામે કેસ નોંધ્યો''. 

ઘરમાં થતા હતા ઝઘડાઓ 

ભગતે વધુમાં ઉમેર્યું હતું કે, "સાસુ અને પુત્રવધૂ વચ્ચેની બોલાચાલી દરમિયાન પુત્ર પણ ચાલુ ઝઘડામાં ઘૂસી ગયો હતો. પુત્રવધૂએ ઝઘડાનું સમાધાન કરવા આવેલા તેના પતિને પણ માર માર્યો હતો. મુક્કા માર્યા હતા.આરોપીએ સાસુ અને પતિ બંનેને ધમકી પણ આપી હતી કે તે બંનેને જોઈ લેશે.પરિવારમાં ઘણા સમયથી ઝઘડાઓ ચાલી રહ્યા છે અને પતિ-પત્ની વચ્ચે છૂટાછેડાનો મામલો ચાલી રહ્યો છે.